Page 5 - AHATA

Dialuna, 13 September 2021
Variante Delta a impacta nos recupera-
cion di salubridad y turismo fuertemente
AWEMainta.com 11
Pa loke ta trata e recuperacion di nos
turismo aki na Aruba, nos a bin wak
un
crecemento basta positivo e ultimo
lunanan di e aña aki. Nos a ricibi un
gran
cantidad di bishitante di afo y ademas
nos a hasta surpasa e proyeccion di
turismo algun tempo pasa.
Sinembargo nos no ta na 100% ainda.
Prome cu e variante Delta a yega nos
pais, e tendencia tabata mustra di
hiba nos na un
recuperacion total di turismo
relativamente pronto.
Lamentablemente, nos a wak un
cambio drastico, unda hopi
persona a keda afecta y 40 persona
tragicamente a
fayece den e temporada di 1 di juli
te cu 31 di augustus relaciona cu e
virus.
Un 85% di esnan cu a fayece no
tabata vacuna. Esnan cu si tabata
vacuna, tabata
sufri di algun otro condicion medico
acerca.
E variante aki tin un impacto directo
riba nos turismo tambe: Mas cu 600
cancelacion di biahe pa Aruba a tuma
lugar debi n’e situacion delicado cu e
variante a hinca nos aden.
Segun Minister demisionario di
Salud, Dangui Oduber, nos a wak
un caida di mas o menos 15 mil
turista den luna di augustus, di un
proyeccion di 100 mil.
Esaki ta enfatisa con un descuido
y/of falta di prevencion por causa
un desviacion negativo pa loke t’e
recuperacion di nos pais. Oduber
ta keda subraya e importancia di e
vacuna, p’asina preveni di plama e
virus y pa proteha bo mes y esnan
rond di bo.