Page 4 - BON DIA ARUBA 29 Augustus2015

A4

LOCALDiasabra 29 Augustus 2015

Ken ta ganado cu ley caft?

Apenas cinco aña despues di 10-10-10
a logra CFT pa Aruba

Si na e desintegracion di Antiyas y e nacemento di pais Curaçao y St. Maarten na october
2010 un hende lo a pronostica cu apenas cinco aña despues Aruba ta hinca den e mesun scol,
probablemente lo a hari e persona aki den su cara. Pero esey ta unda nos ta awe. Aruba a nenga
di acepta e consensus Rijkswet cu e otronan mester a acepta pa haya nan debenan paga. Y awor
Aruba a haya supervision mientras nos mes mester bay paga nos saneamento financiero, un
gran logro .…
Den un discurso emocional y elocuente den Staten, den cual lamentablemente tur diferencia
entre berdad, mita berdad y mentira a disparce, Prome Ministro Eman a defende cu alma y
cuerpo e mesun regimen di supervision contra cual el a bay welga di hamber un aña pasa…
Segun e, ta e a mustra curason grandi pa permiti Hulanda mete temporalmente den asuntonan
di Aruba, pero no mas cu esey… Manera bisa anteriormente den e editorial aki, el a insisti den
su teoria cu e ley aki ta algo temporal, pa despues Aruba (gobierno) por dal bay cu su mesun
Begrotingskamer.
Esey no ta asina, pasobra den su acuerdonan cu Hulanda, prome cu y den e protocol di 2 di mei
2015, el a firma pa supervision permanente cu mester hiba Aruba na un debe publico di bao di
40% di GDP. E ‘balanced budget’ na 2018 no ta mas cu un ‘tussenstation’.
Manera tabata di spera, fraccion di e partido den gobierno a vota pro manera un bloki solido,
igualmente oposicion contra den nan rechaso. Comico tabata cu un parlamentario di banda
di fraccion di AVP a mustra cu e ley aki ta bon pasobra e ta para futuro mal maneho di placa
dor di esunnan cu awor ta den oposicion, dia nan logra drenta gobernacion. Anto e regimen
di supervision aki lo no sirbi pa para malgastamento di placa desde awe na man di e actual
gobierno? Straño.
Pero pa avansa cu e pregunta den e titulo di e editorial aki: ken ta e berdadero ganado cu e ley
aki? Ban repasa e candidatonan:
1) Gobierno actual ganado? No ta cualifica como tal, ya cu intervencion di Hulanda a pone
un paro na e desperdicio di placa publico sin precedente cu a pone Aruba unda e ta awe. Den e
añanan cu ta bin no tin espacio mas pa e tipo di patronahe politico cu a hiba por ehemplo na
nombramento di simpatisante den servicio publico na un escala nunca bisto na Aruba. Eynan
ta unda e ‘inversion’ di gabinete Eman a bay, pasobra e otro ‘inversionnan’ manera Green Cor-
ridor, Hospital, etc. nos como ciudadano a keda di haya un factura separa, pa haya paga via e
impuesto nobo riba transaccion bancario.
2) Oposicion ganado? Tampoco, ya cu e ley aki ta limita e derecho di ‘budget’ di Staten y tambe
lo limita den futuro e posibilidadnan pa goberna e isla aki den e estilo di e ultimo 29 aña. E
temponan ey a bay pa semper. Pa esunnan cu ta desea di goberna Aruba na un manera respon-
sabel lo no tin tanto problema, pasobra nan lo no yega na e extremo unda gabinete Eman 1 y 2
a hiba nos pais desde 2009.
3) Diahuebs 27 di augustus 2015 por ta e dia di un ganado inespera: esunnan cu pa añanan
caba ta mira cu preocupacion cu nos famoso ‘autonomia’ no ta hiba nos ningun caminda, ora
bao di e capa di autonomia un gobierno ta pretende cu ‘niun hende no tin nada di bisa nos’.
Esey tabata e actitud aña pasa durante e welga di hamber ainda. Mientras tanto, gobierno mes-
ter a cambia su actitud pasobra placa a caba y mester a somete na exigencianan di Madre Patria
pa por yega na fondo internacional.
Y ta p’esey a baha cabes pa supervision di Reino, aunke como ultimo fabor Prome Ministro
Eman tabata mag di hinca esaki den su propio ley na luga di un medida di Reino. E resul-
tado ta mescos: tin un CFT Aruba style cu un representante di Aruba como adorno, pero e
orientacion di e Colegio ta bin di Den Haag. Y ora no sigui nan recomendacion, igualmente e
golpinan corespondiente ta bin di Den Haag.
Pa resumi anto: antayera a pone limitenan nobo y mas preta na nos autonomia financiero. Nos
mag keto bay traha presupuesto, aproba esaki hasta, pero tanto den preparacion, ehecucion y
den responsabilisacion posterior, nos tin e wowonan di Reino ta mira tur cos cu nos ta haci y,
mirando nan actuacion na e otro islanan, nan lo no vacila pa interveni. Esunnan cu semper a
desea pa nan ciudadania Hulandes keda concreta den gobernacion drechi, tabatin un bon dia
diahuebs, aunke cu e tristeza talbes cu nos mes hendenan no tabata por.q