Page 14 - AWEM

14 AWEMainta Dialuna, 14 September 2015

10 scooter y bròmer nobo tumá den beslag/hañá

KRALENDIJK - Durante di e simannan tras di lomba

Koninklijke Marechaussee (KMar) bou di guia di Min-
isterio Públiko na Bonaire a haña y confiscá 10 scooter
y bròmer nobo.

E vehículonan aki a bin for
di Hulanda y mayoria tabata

procedente di ladronisia.

E balor total di e vehículonan aki ta vários míles di dòlar.
Esnan cu a ser hañá cu e scooter y bròmernan aki òf
di cua a ser establecé cu nan tabatin esakinan na nan
disposicion, ta ser sospechá di entre otro incubrimento,
labamento di placa y falsificacion di documento.
Lo bay tin persiguicion penal tambe. Tabata usa e
vehículonan aki pa entre otro caredanan riba kaya y
ponemento di fever.

«Ta tristo mira con e hóbennan ta core pusta cu e scooter
y bròmernan aki te ora nan kibra, miéntras e doñonan
real pa añanan largo a traha duro pa yega n’esaki, ‘ asina
un miembro di e team investigativo a trece dilanti.
Ministerio Público y e team investigativo ta mustra riba
e hecho cu cada persona cu ta cumpra òf ta haci uso di
un scooter òf bròmer ta responsabel pa investigá cu
esaki ta legal.

Ta ampliamente conocí cu hopi scooter y bròmernan ta
ser hòrtá y e investigacion di KMar atrobe ta prueba cu
scooter y bròmernan hòrtá ta ser importá na Bonaire
tambe. Pues sea cauteloso cu esaki.
Esnan cu tòg ta scoge pa haci esaki ta core e riesgo
cu nan por pèrdè su scooter òf bròmer y ser pèrsigui
penalmente.