Page 19 - AWEM

AWEMainta Dialuna, 14 September 2015 19

Resultado di round
3, y pairing pa
round 4 di torneo
Kiwanis Palm Beach
2015

SIMAN pasa, a tuma lugar e tres rond di torneo di

ajedrez “Kiwanis Palm Beach 2015”. Na prome borchi,
Maria Diaz a empata cu Jose Pesqueira, Mark Bueno a
gana di Octavio Croes, Randy Tromp a gana Enrique
Jacopucci, Angelo Franken cu Brian Diaz a yega na
acuerdo pa tabla, Daniel Diaz a gana di Sebastian Torres
y Ramos Mas a haya su punto regala dor cu Alvin Howell
no a presenta. Despues di 3 rond, Mark Bueno ta na cabes
cu 2 ½ punto for di 3 wega. Despues ta sigui cu 2 punto,
Jose Pesqueira, Maria Diaz y Randy Tromp.

Diahuebs awor dia 17 di september, tin e siguiente
weganan riba Schedule: Maria Diaz contra Mark Bueno;
Jose Pesqueira contra Randy Tromp; Octavio Croes
contra Daniel Diaz; Enrique Jacopucci contra Angelo
Franken; Ramon Mas contra Monica Bremo y Sebastian
Torres contra Brian Diaz. Alvin Howell tin un bye (punto
gratis).

E weganan ta start pa 08:00 di anochi precies. Avisa bo
contrincante na tempo si bo no por bini. Waiting time
ta 30 minuut. Si bo yega después di 30 minuut cu e
weganan a start, bo a perde pa default.

Club di Dam Arowak ta
bay start cu su Rapid
Dam Tournament
diarazon awor

DIARAZON awor, dia 16 di september, club di dam

Arowak, ta bay start su ultimo torneo rapid pa aña 2015.
Tur hungador di dam di Aruba ta bon bini. E weganan
ta wordo hunga tur diarazon anochi pa 08:00pm den
nos club na Nieuwstraat 11 na Oranjestad. Nos lo hunga
round robin double round, dus tur hungador ta topa
otro 2 biaha, un biaha cu e color blanco y un biaha cu
e color preto.

Duracion di un wega lo ta 25 minuut pa banda + 10
seconde extra despues di cada zet. Un wega por dura
rond di 1 ora. Si bo ta un hungador di dam, pero nunca a
participa na un compentencia di dam, esaki ta bo chens
pa estrena. Nos lo hunga 2 of 3 wega riba un anochi,
dependiendo con liher e weganan lo kaba. Lo tin un
trofeo disponible p’e prome 3 lugarnan.