Page 55 - KPA

Prome morto den trafico ariba Green Corridor

1 min ago 0 0 Views

Balashi – Diaranson mainta algo prome cu 6:30 Aruba ta conoce su prome morto den trafico.
Esaki ta sosode un poco mas pabou di e rotonde den construccion, di ex Drive Inn.
Den oranan trempan polis ta wordo manda cu urgencia pabou di e rotonde di drive inn, pa un bus di e
compania Arubus cu a dal un peaton.
Na yegada di e patruya mes ora e ta wak e seriedad di e caso y ta pidi ambulance cu urgencia. E victima
a ricibi hopi golpi y tawata tin dificultad pa hala rosea.
Ambulance cu a yega mes ora prepara e cabayero y sali cu maximo urgencia pa hospitaal. Pero prome cu
ta yega hospitaal e victima ta fayece.
Loke a sosode ta cu e victima a baha for di un bus chikito y a cuminsa crusa cuminda y no a pone
atencion ariba e bus grandi di Arubus cu tawata pasando. Impacto tawata net caminda chauffeur di e bus
grandi ta sinta, pues e rand di e bus. Un impacto hopi duro mes, mirando cu e bus a haya un deuk grandi
y tambe e windshield cu a kibra.
Instancianan concerni a wordo avisa y despues di investigacion caminda a wordo habri bek, algo prome
cu 8:20.

Coleganan y famia di e agente cu a tira, a
protesta dilanti oficina di Landsrecherche

1 min ago 0 0 Views

Vondellaan – Dialuna anochi laat a drenta informacion cu dilanti oficina di Landsrecherche tin varios
persona para.
Segun nos a compronde, cu lo tawata trata di algun agente policial y tambe famia di e agente Fam Lacle,
cu a tira e homber mata na Boegoeroei.
Loke aparentemente nan no tawata di acuerdo ta cu den e ora laat ey, Landsrecherche lo kier of a bay pa
interoga agente Lacle.

Cantidad grandi di polis a actua y ta detene
homber cu posibel problema mental

7 mins ago 0 2 Views

Caya Frere Johannes – Dialuna anochi den careda di 10’or varios polis a bay Caya Frere Johannes,
caminda lo tin un pelea formal.
Informacion adicional tawata bisa cu un persona cu lo tin problema mental, lo ta esun cu a maltrata un
familiar cu un biga.
Mirando cu ta trata di un caso di un persona cu posibel problema mental a manda mas patruya, mirando
loke a pasa algun rato prome na Boegoeroei.
Na yegada di e patruya nan a logra domina e homber, cu segun habitantenan lo ta usa droga y ya varios
biaha lo a ta haya mal trip y ta cuminsa papia problemanan di antes.
Na e sitio por a nota masha hopi auto di polis, cu a yega pa refuerso
Transportwagen a yega y ela wordo poni den dje y transporta pa warda.
Polisnan a sali cu un biga basta largo, cu e lo a of kier a usa pa maltrata e familiar.