Page 50 - KPA

Maske E Tension Ta Alto Alto Comisario Dolfi
Richardson A Pidi Tur Polis Pa Mantene Nan Mes
Calmo

Alto Comisario Dolfi Richardson, durante conferencia di prensa a bolbe splica, e
situacion, e incidente cu a costa bida di dos hende.

E agresor, Ericho Jimmy Tjong Kon Sang, kende ta un bon conoci di Polis, kende a causa
masha daño na cabez di e Polis, Tino Ruiz, un hoben, dinamico, masha aprecia pa su
coleganan di Noord.
Esaki ta prome biaha cu un Polis na Aruba, ta muri den “line of duty”. Pesey tambe
instancianan manera e.o. Yudanza pa Victima, pa duna asistencia necesario na algun
Polis tambe. Pasobra tipo di incidentenan aki, no ta sosode tur dia, demostrando, cu
maske cu un situacion por mustra facil, semper e por sali for di man y e Polis ta bira
victima.

Alto Comisario Dolfi Richardson, no a admiti cu un grupo di Polis, sosteni pa SPA,
tabatin masha tension y si a bay over na detene e Polis cu a tira, nan sigur lo a bay den
welga, pero di acuerdo cu Alto Comisario e Polisnan cu a presenta na Hospital y despues
na oficina di Landsrecherche ta pa demostra cu nan ta solidario cu nan colega.

Si el a pidi tur Polis pa no reacciona riba e “Police Haternan”, kendenan riba social
media, a haya ta bon pa critica Polis su trabao. A pidi pa nan ta mas tolerante ainda,
pasobra como un profesional, nan mester mantene loke nan a train pa haci, segun Dolfi
Richardson.