Page 49 - KPA

Policial SPLASH

JOHNNY ANTHONY
FORRESTER A PERDE SU
BIDA AWE MAINTA NA
MOMENTO CU BUS DI
ARUBUS A ALCANSE

ORANJESTAD, Aruba

Awe diaranson mainta pa 6:20 central di polis ta haya un jamada cu un bus lo mester a dal un peaton
un poko mas pabao di e retonde di Drive Inn. Na jegada di patrouille di sta cruz ta bin topa enberdad
cu e accidente y na unda testigonan ta bisa cu e meneer lo a baha for di un autobus cu tabata bai
direcion abao y a crusa caminda sin paga tino riba trafico y cu consecuencia cu e bus di Arubus a
alcanse. A pidi ambulance di biaha mirando cu e situacion di e peaton tabata mustra hopi grave.
Ambulance a jega na e sitio y a stabilisa e peaton y a bai cune cu urgencia
hospitaal. Lamentabelmente pa 7:14 am Dr Schouten a constata morto di Johnny Anthony Forrester
naci na Aruba 31 oktober 1979 y biba na Savaneta. Esaki ta e prome morto den trafico pa e anja aki.
Departamento di trafico a presenta tambe na e sitio di e susedido pa hasi nan investigashon y tambe
BFTO di polis . Slachtofferhulp a presenta na hospitaal pa asina guia e famia den e momento dificil
aki . Cuerpo Policial y E Arubiano ta manda palabra di condolencia y hopi forsa pa e famia di e
fayecido.