Page 47 - KPA
P. 47
Johnny A Forrester e prome morto den
trafico pa aña 2017
5 July, 2017
0
Vocero di Polis Sra Liliana Rasmijn ta confirma e prome accidente fatal den
trafico pa aña 2017.
Diaranson 5 di Juli 2017 pa 6:20 mainta central di polis ta haya un jamada cu
un bus lo mester a dal un peaton un poko mas pabao di e retonde di Drive Inn.
Na jegada di patrouille di sta cruz ta bin topa enberdad cu e accidente y na
unda testigonan ta bisa cu e meneer lo a baha for di un autobus cu tabata bai
direcion abao y a crusa caminda sin paga tino riba trafico y cu consecuencia cu
e bus di Arubus a alcanse. A pidi ambulance di biaha mirando cu e situacion di e
peaton tabata mustra hopi grave. Ambulance a jega na e sitio y a stabilisa e
peaton y a bai cune cu urgencia hospitaal.
Lamentabelmente pa 7:14 am Dr Schouten a constata morto di Johnny Anthony
Forrester naci na Aruba 31 oktober 1979 y biba na Savaneta.
Esaki ta e prome morto den trafico pa e anja aki.
Departamento di trafico a presenta tambe na e sitio di e susedido pa hasi nan
investigashon y tambe BFTO di polis .
Slachtofferhulp a presenta na hospitaal pa asina guia e famia den e momento
dificil aki .
Nos di Cuerpo Policial kier a manda palabra di condolencia y hopi forsa pa e
famia di e fayecido.
