Page 5 - AHATA

4 LOCAL AWEMainta
Dirigi, distrae, delega:
Hermentnan cu tur teenager Arubiano mester conoce
NA Aruba, caminda tur hende conoce tur hende, silencio por sinti manera e esco-
gencia mas sigur. Bo ta mira algo incomodo — un hende ta haci un chiste cruel,
fluister algo na un compañero di klas un poco fo’i sla, of ta manda mensahenan
no desea — y bo ta vries. No ta bo asunto, corecto? Pero aki tin e berdad: ora ta
trata di acoso, silencio no ta yuda ningun hende. Ni e persona cu ta wordo acosa.
Ni e comunidad. Ni bo mes.
Esey ta dicon ta asina importante pa siña nos teenagernan no djis kico acoso ta,
sino con pa interumpi di forma sigur ora e ta sosode. Acoso sexual den scolnan
no semper ta bisto of dramatico. E ta hopi biaha sutil, incomodo, y ta wordo
scondi como “djis un joke.” Pero pa e persona cu ta ricibi e acoso, e por sinti
isola, berguensa, of hasta espantoso.
E 3 D’s: Un strategia simpel pero poderoso
Den comunidadnan uni di Aruba, nos tin un oportunidad unico pa cambia e
cultura aki. Y e ta cuminsa cu un strategia simpel: Dirigi, Distrae, Delega.
E tres accionnan aki — conoci como e “3 D’s” — ta maneranan practico y sigur
pa studiantenan interumpi acoso ora nan ta mir’e sosode. Y si, nan ta funciona.
Dirigi ta nifica papia. Si bo ta mira un compañero di klas wordo acosa y bo ta sinti
sigur pa haci esey, bisa algo. Un “Hey, esey no ta bon” trankil y firme por ta mas
poderoso cu bo ta realisa. Bo no tin mester di grita of haci un escena. Djis mustra
e persona cu ta wordo molestia cu un hende ta mira y ta sostene nan.
Pero si accion directo ta sinti demasiado riesgoso, semper tin distraccion. Esaki
OPEN POSITIONS:
MAINTENANCE TECHNICIAN
BEACH ATTENDANT
ROOM ATTENDANT
UNLOCK THESE BENEFITS WITH US:
Attractive salaries with various bonus opportunities
Attractive salaries with various bonus opportunities
5-Day workweek (40 Hours)
5-Day workweek (40 Hours)
Up to 27 vacation days based on years of service
Up to 27 vacation days based on years of service
Childcare allowance to support working parents
Childcare allowance to support working parents
Associate Wellness program: gym memberships, life &
Associate Wellness program: gym memberships, life &
health insurance, and annual health check-ups
health insurance, and annual health check-ups
Exclusive employee discounts at Tara Eco, Ling & Sons,
Exclusive employee discounts at Tara Eco, Ling & Sons,
and Garage Centraal
and Garage Centraal
Savings & loan program
Savings & loan program
www.bucuti.com/careers
Diasabra, 28 Juni 2025
ta nifica cambia e topico, drenta den medio cu
un pregunta, of hasta “accidentalmente” crea un
momento cu ta hala atencion for di e situacion.
E por zona simpel, pero distraccion por crea e
espacio cu un hende tin mester pa bandona un
momento incomodo sin conflicto.
Y despues tin delegacion — haya ayudo. Sea ta un
maestro di confiansa, consehero di scol, director,
of hasta un otro studiante, trece un otro hende
aden por haci tur e diferencia. Bo no tin mester
di resolve e problema bo so. De echo, sa ki ora pa
pidi ayudo ta un señal di forsa, no debilidad.
Un cultura di sosten y un futuro mas fuerte
Teenagernan Arubiano ya caba sa con pa cuida
nan amigo. Nan ta sostene otro pa medio di
examen, ‘heartbreak’, y e ‘ups & downs’ di bida
diario. Esaki ta djis un extension di e mesun spirito
ey — cuida otro ora e ta mas importante.
Siña e 3 D’s no ta trata di transforma studian-
tenan den heroe of pidi nan pa pone nan mes den
peliger. E ta trata di duna nan hermentnan. E ta
trata di sigura cu ora nan mira algo robes, nan no
ta sinti nan sin ayudo — nan ta sinti nan prepara.
Y laga nos ta cla: esaki no ta un problema pa
muchanan resolve nan so. Tur genero ta exper-
encia acoso, y tur hende tin un rol den par’e. Ora
scolnan ta crea espacio sigur y habri pa papia
tocante acoso, consentimento, y respet, nan ta
construi un cultura caminda para pa otro ta bira e
norma — no e excepcion.
Aruba ta chikito, pero esey ta nos forsa. Loke
ta pasa den nos klasnan, nos gangnan, y nos
WhatsApp chats ta duna forma na futuro di nos
isla. Pues laga nos duna nos teenagernan locual
nan tin mester — no djis regla, sino hermentnan
real. Laga nos yuda nan papia, interumpi, y para
hunto. Pasobra ora nos ta cuida otro, nos tur ta
bira mas fuerte.