Page 3 - HOH

4 LOCAL AWEMainta
Nos Ta Haci Suficiente pa Nos Grandinan
cu Ta Biba Nan So na Aruba?
Fin di siman pasa, un candela tragico a cobra bida di un señora
grandi na Aruba. E perdida tristo aki a laga e comunidad sacudi—
y e ta lanta preguntanan importante cu nos no por sigui ignora.
Con nos ta cuidando nos grandinan? Y nos ta haciendo suficiente
pa esnan cu ta biba nan so of ta pasa oranan largo nan so?
Accidente por pasa na cualkier momento. Un kortsluiting, un stoof
laga cendi, un caida den baño—esakinan ta riesgonan di tur dia
cu ta bira hopi mas peligroso pa adultonan mayor cu ta isola of
luchando den silencio. Y aunke nos no por preveni tur accidente,
nos por haci mas pa limita e daño—y den algun caso, salba bida.
E realidad tristo ta cu hopi di nos grandinan na Aruba ta biba
nan so of ta pasa periodonan largo sin cu un hende ta controla
nan. Miembronan di famia por ta biba den exterior of ta druk cu
trabou. Bisiñanan no semper ta ripara ora algo ta robes. Y e gran-
dinan mes hopi biaha ta mucho orguyoso of mucho keto pa pidi
yudansa.
Esaki no ta djis tocante bira bieu. E ta tocante siguridad, conec-
cion y dignidad.
Nos mester cambia for di un mentalidad di reacciona despues
di un tragedia, pa uno di cuido proactivo. Esey ta cuminsa cu
consciencia den comunidad y ta sigui cu solucionnan practico.
Tecnologia ta un di nan.
Awe, tin aparatonan simpel—hopi di nan pagabel—cu por bati
alarma ora algo bay robes. Detectornan di candela y huma,
sensornan di caida, botonnan di yamada di emergencia y smart-
watches cu alerta di salud, tur ta hermentnan cu por haci un dife-
Diamars, 29 Juli 2025
rencia enorme.
Algun sistema por alerta servicionan di emergencia of miem-
bronan di famia automaticamente. Otronan ta diseña pa detecta
un falta di movemento y activa un control di bienestar. Esakinan
no ta articulonan di luho mas—nan ta liñanan di bida.
Naturalmente, ningun tecnologia ta reemplasa e toke humano.
P’esey e ta igualmente importante pa controla nos grandinan. Un
yamada di telefon regular. Un bati na porta. Un combersacion na
supermercado. E actonan chikito aki ta conta mas di loke nos ta
realisa.
Pa esnan cu mayornan grandi of bisiñanan grandi, considera esta-
blece un rutina simpel: un texto diario, un kalender comparti, un
bisiña di confiansa cu ta tira un bista. Aruba ta un isla chikito—
nos mester por apoya riba otro.
Hopi biaha nos ta bisa cu e manera cu un sociedad ta trata su
grandinan ta refleha su balornan. Aruba ta conoci pa su calor,
hospitalidad y famianan uni. Pero e calor ey mester bira accion,
specialmente pa esnan cu ta bibando nan so.
E candela di fin di siman pasa tabata un tragedia—pero e mester
ta un alerta tambe. Nos debe nos grandinan pa sigura cu nan no
solamente ta ser recorda ora algo bay robes, sino protegi tur dia
mientras nan ta ainda cu nos.
Laga nos honra su memoria door di haci miho—cuminsando for
di awor.