Page 10 - HOH
P. 10
Ora cu e cacho ripara cu un persona su sucu ta demasiado halto of abao, e ta duna un
indicacion cu por ehempel su nanishi, cu e persona tin cu check nan nivel di sucu.
“Si e persona su sucu ta halto e tin cu tuma insulina y si e ta abao e persona tin cu
come of bebe algo cu sucu”.
Esaki segun Morrison, kende a indica cu pa entrena un cacho pa haci esaki, por tuma
entre 6 luna cu 2 aña.
El a sigui bisa cu e parti bon pa un persona diabetico tin un cacho asina ta cu e persona
no lo tin cu depende di un otro persona pa bisa nan pa check nan nivel di sucu, pasobra
e cacho tey constantemente cu e persona y por dune e indicacion aki na cualkier
momento.
“E cacho no ta reemplaza e monitornan di sanger, pero e ta yuda e persona pa sa na
cua momento e tin cu check su sucu”, segun Morrison.
DIARIO a papia tambe cu Jeanrick, kende tin un di e cachonan aki.
El a splica cu e tabata kier un service dog pasobra e gusta cacho y un cacho ta lage
sinti su mes mas feliz y sigur.
“E cacho tin su tempo di hunga, su tempo di traha y e tempo ora cu mi tin cu train e”.
Esaki segun Jeanrick, kende a indica cu el a haya e cacho ora cu e cacho tabata tin 10
luna y na varios occasion el a wordo alerta pa check e nivel di sucu den su sanger.
https://www.diario.aw/2019/12/diabetic-alert-dog-ta-hopi-util-pa-hendenan-cu-diabetis/
