Page 16 - HOH

2|Diamars, 12 di April 2022

Despues di hopi aña di training interno awo cla pa comparti cu otronan na Aruba
HOH awo tambe cu training contra agresion

Dr. Horacio E. Oduber Hospital a organisa recientemente
su prome charla con pa anda cu agresion special p’e asis-
tentnan di dokter di cas y asistentnan di specialista. E prome
evento aki tabatin tremendo acohida y e asistentnan a haya
hopi informacion valioso cu nan por uza na pia di trabou si
encaso nan haya nan mes den un situacion unda agresion ta
tuma luga.

Pa hopi aña caba HOH ta organisa training pa coleganan cu
enfoke riba con pa anda cu agresion verbal. E training aki tin
como meta pa prepara coleganan con pa atende cu bishitan-
te of pashent cu ta yega HOH cu un tristesa of ansha cu por
hiba na un rabia y te hasta un tipo di agresion verbal.
Algo cu siguramente no ta facil ora e momento presenta pero
cu training por yuda sigur si encaso yega asina leu.

Tres aña pasa a cuminsa cu e prome training di agresion na
HOH mes y awo cu tur e experiencia cu a genera durante
añanan a opta pa habri e posibilidad pa mas persona haya
e training aki y pues tambe organisacionnan cu no ta den
cuido directamente.
E proma charla tabata pa e asistentnan di dokter di cas of di
specialista cu tambe ta pasa den e mesun casonan cu sa topa
na hospital. Un anochi super exitoso y awo cla pa sigui hiba
e conocemento y experiencia afo pa mas persona y organi-
sacionnan interesa.

Despues di e exito di e charla ta mira e necesidad y pues lo ta
organisando pa e asistentnan di dokter di cas y asistentnan
di specialista un training intensivo di un dia completo (8 ora)
“Con pa anda cu agression verbal”.
Pues con pa reconoce, evita y aplica tur instrumento si e en-
caso haya bo mes den un situacion di agresion verbal na pia
di trabou. E dianan lo ta 21 di mei of 17 di mei of 19 di no-
vember proximo. Pa mas informacion por tuma contacto via
email info.hohacademy@hoharuba.com.