Page 28 - HOSPITAAL

Segun sr. Moons ta splica: ‘Minister Oduber a scucha e resultadonan di e estudio aki y na

mes ocasion e rapport a wordo entrega na dje. E rapport aki cu a wordo haci entre

februari y september di e aña aki, awor lo wordo studia door di Minister y

Conseheronan.’

Sr. Moons a sigui splica cu e rapport ta encera kico lo por wordo haci cu e sitio di dump

den futuro, mirando e situacion cu e ta aden. Y kico ta e medidanan cu tincu tuma pa

percura cu den futuro no tin riesgo mas pa medio ambiente ni salud publico, pa asina por

haci uzo di e tereno pa otro desaroyonan.

E estudio a enfoca solamente riba e sitio di dump na Parkietenbos y no tabata un estudio

riba alternativanan di unda e sushinan lo bay, esey ta algo cu Minister a vocifera di ta

trahando riba dje. E rapport cu a entrega a analisa ki situacion tin na Parkietenbos y kico

ta e medidanan pa kita e riesgonan pa salud y medio ambiente.