Page 23 - HOSPITAAL

pasco cu hopi cuminda y hopi bebida. E no ta algo malo, pero ta bisa come modera y

bebe alcohol modera. E caso aki, ta papia di nos hendenan cu ta sufri di curason, baha

man na salo. Nos diabeticonan, come balansa. E sucu, laga e sucu semper na banda. Sa cu

temporada di pasco ningun hende no kier tene nan mes na e dieet. Pero toch bo tin cu

wak bo sucu.

Diabeticonan mester wak nan sucu pasobra den e caso aki hopi bolo, e cosnan dushi di

mas, sa cu e no ta bon pa bo curpa y bo por desbalansa e sucu. E ora bo por bay den un
hyperglacemia of den e caso aki si bay den un hyper, e tin consecuencia pa bo salud.

Semper ta bisa cu wak e parti ey bon. Tambe e alcohol, sa cu celebracion ta bay cu

champagne, cu cerbes, cu whiskey. Pero semper ta bisa cu si bo ta stuur, no bebe. Si bo ta

bebe, no stuur. Laga bo famia, bo yiu, bo casa hibabo bo Christmas Dinner y despues

laga nan bin buscabo, si bo sa cu bo ta bay dal un bitter. Of laga bo famia bahabo of coy

un taxi bay bo cas despues. Pero no stuur bao di influencia.

Loke Wit Gele Kruis ta wak delaster temponan aki, cu tin hopi accidente ta pasa, hopi

palo di luz ta wordo ranca, hopi auto ta cay den rooi, etc. Esey ta cosnan cu tin di haber

cu alcohol. Esey ta algo cu mester wak e consumo aki bon, pa evita desgracia pa bo mes

y pa otro. Ora bo ta core den auto y bo ta bao di influencia, bo ta un peliger pa bo mes y

pa e otro ey cu ta coriendo riba e caminda ey y por haya su desgracia. Pesey WGK ta bisa
tur cos modera y keda den movecion. Movecion, mey ora pa dia ta keda den movecion. E

ta bon pa bo keda pa bo move y tambe e 8 glasnan di awa pa dia cu tambe ta algo

sagrado. Keda bebe bo awa, pasobra e awa ey ta bon pa bo curpa. Nos tur sa cu 90% di

nos curpa ta consisti di awa. Nos curpa mester di e awa ey pa haci nos curpa den e caso

aki limpi.

Esey ta pidi tambe pa e temporada, manera cu por a mira cu tur departamentonan

concerni ta pone atencion riba e parti di klapchi. Nos muchanan, ora cu tin klapchi, wak

pa e muchanan bay cu mayornan. Den e caso aki si bo ta bao di 12 aña. Wak pa e mayor

bay cu e yiu, pasobra e muchanan bao di 12 aña sigur ta curioso. Nan ta cumpra cosnan