Page 8 - FDLP
P. 8
12 AWEMainta Diaranson, 16 October 2019
SUPER Do it Center a inaugura su
‘Christmas Department’ cu’n tremendo
shopping night pa su miembronan
DEN un ambiente di Pasco, SUPER Do it Center a inaugura su ‘Christmas
Department’ hunto cu su miembronan. E anochi aki sigur tabata uno grandi
mirando e acogida y e asistencia masal di e miembronan.
E preparacion di e ‘Christmas Department’ a ser haci pa un team special cu a
percura p’esaki keda bunita. Ta bon pa menciona cu e proyecto aki ta cuminsa for
di januari caba, caminda e team di ‘Purchase Department’ ta selecta tur producto
pa despues haci e pedido.
Sra. Taryn Faro, sr. Marshall Marval, sra. Marilaine Yarzagaray y sra. Nataly
Croes t’e 4 empleadonan cu a desplega un tremendo trabou den e departamento
menciona. E 4 personanan aki tabatin e honor pa corta cinta p’asina habri temporada
mas dushi di aña.
Bolbiendo bek na e anochi aki, SUPER Do it Center conhuntamente cu su vendors
a percura pa un tremendo ‘wine tasting’ y banda di esey a parti snacks pa tur
esnan presente. Tambe Santa Claus tabata tey pa saca potret cu tur esnan presente,
vooral e muchanan.
Prome cu a corta cinta tabatin un show masha impresionante duna pa dos bailarin.
SUPER Do it Center kier extende un invitacion na pueblo di Aruba pa bishita nan
‘Christmas Department’ y experiencia algo unico.
Por ultimo Do it Center kier recorda su clientela cu Do it Center Camacuri y Do it
Center Savaneta tambe a habri nan ‘Christmas Department’ y tur loke bo wak na
Shaba, lo ta obtenibel n’e dos otro tiendanan.
