Page 17 - HOH AUG 9 2021_Neat

Manera cu e portal aki a raporta ayera, awor tin un dama na estado cu tin Covid interna
den hospital. Asina Crisis Team a raporta diadomingo. Fuera di e caso aki, di e dama
interna den piso di maternidad, tin 22 otro pashent interna den hospital. Un total di 4 ta
den ICU, y 18 riba piso general.

VACUNA?

Datos di hospital ta ilustra cu di esnan ingresa den hospital cu COVID, 21 persona no tin
ningun vacuna y solamente 2 persona ta vacuna, esnan interna den ICU ningun ta vacuna.

https://www.noticiacla.com/news/23089

Segun gobierno, e cantidad di peticion

pa vacuna na Aruba a redobla

Posted on 08/9/2021 2:13 pm AST | Updated on 08/9/2021 2:14 pm AST

ORANJESTAD - Den e ultimo siman, e cifranan di Covid 19 ta birando hopi halto na
Aruba. Segun e informacion, for di e cifranan di e ola di Covid aki, ya por saca e
siguiente conclusionnan;

1. E gran mayoria di esnan cu ta hayando Covid ta personanan cu no a vacuna.

2. E grupo di persona vacuna cu ta haya Covid, no ta bira hopi malo.

3. Masha poco persona vacuna cu ta haya Covid ta drenta Hospital.

4. Actualmente no tin niun persona vacuna cu tin Covid den cuido intensivo.

Esaki, Prome Minister Evelyn Wever-Croes a duna di conoce dialuna mainta, ta un
prueba cu e vacuna contra Covid ta hopi efectivo.

Mescos cu otro paisnan na mundo, na momento cu e casonan bay halto, esnan cu no a
vacuna ainda, ta keda convenci pa tuma e vacuna. Awo na Aruba, mas di 800 persona ya
a haci un cita pa tuma e vacuna y lo ricibi e vacuna den e siguiente dianan nos dilanti.