Page 4 - AB
P. 4
14 LOCAL AWEMainta Diabierna, 19 September 2025
CLICK AKI
Aruba Bank ta despedi di señora Laureen Dix
ARUBA Bank ta orguyoso pa honra y despedi di señora
Laureen Dix, cu awe ta cuminsa su siguiente capitulo despues
di hopi aña di servicio dedica na Aruba Bank.
Laureen a cuminsa na Aruba Bank na 2011 como manager
di “Corporate Affairs” y desde 2015 a fungi tambe como
“Integrity Officer” pa Aruba Bank. Su profesionalismo y
dedicacion a resalta hopi lihe den e funcionnan menciona.
Su liderazgo a sigui briya ora cu nan a promove “Senior
Manager.
Despues Laureen a dirigi e Departmento di “Premises &
Facilities”, caminda su dedicacion y compromiso a fortifica
operacionnan di banco.
Durante su carera, Laureen semper a demostra integridad,
perseverancia y un mentalidad enfoca riba su meta.
Nos ta desea Laureen hopi exito den su capitulo nobo.
Peticion pa aprobacion di un plan di parcelacion
na Sero Compa conforme art. 33 di e Ordenanza di
desaroyo teritorial (LRO). E concepto di e plan di
parcelacion ta poni pa inspeccion publico na DIP,
Sabana Blanco 68, cu reserva di tur derecho cu
cambionan por wordo hasi na e parcelacion, durante un luna desde
dia 19 september 2025 durante oranan di trabao. Tambe e plan por
wordo mira riba www.dip.aw. Interesadonan por entrega te cu un
luna despues di e termino aki nan punto di bista por escrito tocante
e concepto di e plan di parcelacion serca Ministro di Asuntonan
General, Organisacion Gubernamental, Infrastructura i Planificacion
Ambiental pa medio di e director di DIP.
