Page 3 - HOH

10 INTERNACIONAL AWEMainta
Speransa den Laboratorio
Avansenan Nobo den Edicion di Gen por
Cambia Tratamento di HIV pa Semper
E comunidad cientifico global pa hopi tempo a bataya HIV cu
tratamentonan cu ta maneha e virus pero no ta cur’e. Na 2025,
sinembargo, un serie di avansenan usando tecnologia di edicion
di gen CRISPR/Cas9 a trece investigadornan mas cerca cu nunca
pa elimina permanentemente HIV for di curpa.
E aña aki, sientificonan di Stanford University lidera pa Dr. Matthew
Porteus a publica un estudio den Nature Communications cu a
mustra un strategia nobo: modifica celnan madre y progenitor
hematopoyetico (HSPCs) usando CRISPR pa anula e gen CCR5
— un punto di entrada crucial cu HIV ta uza pa infecta celnan.
Alaves, e team a introduci gen cu ta permiti e celnan aki produci
anticuerpo capas di neutralisa multiple cepa di HIV.
Ora wordo getest den laboratorio, e celnan modifica aki a resisti
exitosamente infeccion pa ambos variantenan R5- y X4-tropic
di e virus. E strategia combina aki por un dia sostene un trans-
plante di un solo biaha capas di reemplasa e sistema inmune di
un persona cu celnan resistente na HIV.
Ensayonan Clinico y Aproximacionnan Multi-Facial
Mientras tanto, ensayonan clinico ta sigui test terapianan CRISPR
den hende. EBT-101 di Excision BioTherapeutics — un terapia
CRISPR diseña pa corta DNA di HIV for di celnan infecta — a
drenta ensayonan Fase 1/2 na Merca. Resultadonan trempan a
mustra prometedor den termonan di siguridad y dirigimento di
DNA. Sinembargo, den pashentnan cu a pausa nan terapia anti-
retroviral (ART) regular, e virus a reaparece, señalando e reto
di elimina completamente HIV for di su reservanan scondi den
curpa.
Diasabra, 7 Juni 2025
Pa supera e obstaculonan aki, sientificonan a experimenta cu
aproximacionnan multi-facial. Un metodo prometedor ta combina
anulacion di gen CCR5 cu C46, un molecula cu ta blokia HIV di
fusiona cu celnan di huesped. Investigacion publica den Scientific
Reports e aña aki a mustra cu e edit dual aki a mehora resistencia
den varios cepa di HIV mas efectivamente cu cualkier metodo so.
Historia y Speransa pa Futuro di CRISPR den Investigacion di HIV
E rol di CRISPR den investigacion di HIV no ta nobo. Trempan
den 2013, sientificonan a demostra e habilidad di e tecnologia
pa silencia gen di HIV den lineanan di cel di laboratorio. Na 2015,
investigadornan a kita HIV integra for di T-celnan humano infecta
pa prome biaha. Un momento historico a bin na 2019, ora sien-
tificonan Chines a edita e gen CCR5 den un pashent humano cu
HIV y leucemia, aunke e tasa di exito di edicion no tabata sufici-
entemente halto pa elimina e virus.
Na 2024, Amsterdam University Medical Center a haci titularnan
door di uza exitosamente CRISPR pa kita HIV for di celnan infecta
den testnan di laboratorio, mustrando potencial pa atende cu
e virus den su forma latente — un obstaculo principal den e
buskeda di un cura.
Mientras cu 2025 ainda no a entrega un solucion magico, e avan-
sonan aki, capa tras capa — for di edicion di cel madre te cu
terapianan di ensayo mehora — ta señala un berdadero impulso.
CRISPR no ta djis maneha HIV mas; e ta purba di kit’e.
E biahe ta leu di caba, pero cu cada avance nobo, e soño un biaha
distante di cura HIV ta move mas cerca di realidad.