Page 68 - MIN TTC 1 MAART 2016

12 AWEMainta Diamars, 01 Maart 2016

Museo Arkeologico Nacional Aruba:

Ta pa PROME
BIAHA cu ta
descubri un sitio
arkeologico
manera Santa
Cruz 35

E INVESTIGACION cientifico di Museo Arkeologico

Nacional Aruba (NAMA) y su partnernan di ‘NEXUS
1492’ riba e material cu a excava na e santana di Santa
Cruz 35 ta inclui e tecnicanan di mas moderno den
laboratorio- y institutonan Europeo.

Diahuebs, dia 3 di maart, pa 7’or di anochi, NAMA y
NEXUS 1492 lo presenta e prome resultadonan di e
investigacion riba e material di e sitio unico aki. Lo duna
informacion di con a yega na e prome resultadonan aki
y lo intercambia cu publico tocante kico tin planea pa
futuro di e investigacion, durante un Café Cultural.

Pa NAMA ta sumamente importante pa envolve
su stakeholdersnan y henter comunidad den e
investigacion aki y pa comparti e informacion
fascinante di nos herencia cu un y tur.
Na 2001 y 2012 a excava material di weso humano,
material Europeo manera metal y glas y material Indjan
for di e sitio. E material aki a ser investiga e ultimo aña
aki cu metodonan moderno manera analisis di isotopo,
fechamento di radiocarbon y analisis osteologico.

NAMA y NEXUS 1492 ta invita tur cu ta interesa den
nos herencia cultural y den investigacion cientifico pa
e presentacion. Esaki lo tuma luga diahuebs awo dia 3
di maart cuminsando for di 7’or na Museo Arkeologico
na unda ‘Live Expressions’ lo deleita un y tur cu nan
musica jazz en bibo.

Entrada ta gratis.
Museo Arkeologico ta situa na Schelpstraat 42.
Por parkeer banda di Museo y tambe Kong Hing
Supermarket ta pone su parkinglot disponibel pa
bishitantenan di Museo su actividad e anochi aki.