Page 69 - MIN TTC 1 MAART 2016

14 AWEMainta Diamars, 01 Maart 2016

Minister Arthur Dowers:

Por sinti
e vibra
Dominicano
den nos
mesun cultura

A celebra nan fecha di
independencia hunto cu e
colonia Dominicano

DEN FIN di siman a tuma lugar celebracion di

fecha di independencia di Republica Dominicano.
Aki na Aruba a organisa un evento protocolario n’e
busto di Juan Pablo Duarte Diez, den cual a conta
cu presencia di Gobernador y varios Minister y
Parlamentario.

Mester menciona cu den su discurso, Minister
mr. drs. Arthur Dowers a felicita e comunidad
Dominicano residencia na Aruba, den nomber
di henter Gobierno, pero specialmente tambe di
Minister Presidente Mike Eman kende no por tabata
presente pa motibo di su biahe pa Hulanda.
E mandatario a expresa su satisfaccion p’e forma con
e colonia Dominicano a sa di integra den nos cultura
y a bira parti di nos comunidad.

“Loke a wordo demostra cu e comunidad Dominicano,
cu tur e añanan cu nan ta biba na Aruba, nos por bisa
awe cu e contribucion cu nan ta duna, mi ta kere
cu nos por bisa cu e cultura cu nos conoce awe tin
e vibra Dominicano tambe den dje”, asina Minister
Arthur Dowers a enfatisa durante su discurso entre
un cantidad di invitado y parti di e comunidad
Dominicano residencia riba nos isla.

“E hecho cu nan tin nan mesun plenchi aki y cu
nan mes ta mantene di un forma masha ehemplar,
ta mustra e importancia cu ta duna n’e dia aki”, e
mandatario a enfatisa.
No solamente importante den historia, pero tambe
pasobra esaki ta un momento importante cu a
cambia historia y cu a pone cu hopi di nos hendenan
ta haci tur lo posibel pa mantene e libertad den un
pais.