Page 57 - MIN ON - JUNI 22.2015

E incertidumbre “unda pa laga mi yiu den vacacion” ta cla
pa cuminza!

Publication: Monday, 22 June 2015. Categoria: General

Atrobe varios mayor ta “kibra cabes”:

ORANJESTAD (AAN) – E dianan dificil pa un cantidad grandi di mayor ta cuminza un bez aki.
Esaki pa motibo di e temporada di vacacion grandi cu hopi mayor no tin un lugar unda nan
yiunan por keda bon cuida y proteha, mientras nan ta traha.

Tin hogarnan unda ambos mayor ta traha cu un mayor por tuma un siman di vacacion, y e otro
mayor por tuma otro siman di vacacion, pero dificilmente ambos por tin nan dianan di vacacion
completo, pa pasa minimo tres siman cu nan yiunan.

Den nos sector laboral e trahadornan ta haya, segun nan añanan di trabao, entre dos y tres siman,
y un luna maximo di vacacion (tambe segun areglo cu doño di trabao), pero den e transcurso di
aña cada bez cu e mucha tin vacacion escolar, of cu algo sosode cu e mayor ta haya su mes
obliga na tuma un, dos of mas dia di vacacion, e cantidad di dianan ta merma y ora e vacacion
grandi yega no tin un periodo di vacacion completo mas.

Tambe tin lugarnan di trabao unda mas bien e trahador ta acumula vacacion cu no por tuma, debi
na e caracter specifico di su trabao cu dificilmente por haya un reemplazo temporal pe. Kizas no
por bisa cu e trahador aki ta indispensable pero si sumamente dificil pa wordo reemplaza.

No tur ora den casonan asina, e otro mayor por tuma tur su vacacion di un shot tampoco, y
semper ta keda un necesidad grandi pa asegura nan yiunan un bon lugar pa nan keda tanten cu
nan mayornan ta traha.

Esaki no ta e prome aña ni lo ta e ultimo cu nos redaccion ta haya yamada di mayornan cu ta
hopi preocupa, cu cada aña e campnan cu ta wordo organiza pa diferente grupo, ta bira mas y
mas costoso.

Fuera di esey e campnan ta maximo dos siman, y despues kico? Tin lugarnan di trabao cu ta
permiti nan trahadornan cu ta haya nan mes den un situacion asina, pa bin cu nan yiunan semper
y cuando nan ta den edad escolar y cu por sinta trankil lesa buki, dibuha, of haci algo cu no ta
stroba su mayor den su trabao.

Tin mayornan ta bolbe menciona e necesidad pa un traimerdia nacional cu por cubri tambe e
temporada di vacacion tambe, unda cu e dunador di trabao por duna un aporte y logico, e
trahadornan tambe su porcentahe di su salario. Pero ningun caminda por scucha interes pa bin cu
un proyecto asina aki, ni di parti di gobierno ni di sector priva.

Mientras den pasado e mayornan, tanto mama como tata, por a conta cu sikiera un hende den nan
famia cu por a yuda nan, pero awendia esey ta masha scars mes. Hopi wela di e temponan aki ta