Page 11 - MIN JUS

E acusacionnan cu Fiscal a presenta den Corte contra J.C. ta cu riba 22 di Mei 2017 el a
horta hunto cu otronan for di un cas caminda lo a bay cu un spaarpot di e muchanan.
Tambe e ta wordo acusa cu dia 24 di Mei 2017 el a horta bolts di riem di un auto
Nissan.

HORTA BOLTS DI AUTO

Hues bisa cu J.C. a admiti di a horta “bolts” di un auto Nissan pasobra esnan di su auto

a daña. E sospechoso J.C. a bisa cu ta peligroso pa core cu auto cu no tin bolts. Hues a
remarca pakico e ta bay los di otro auto pa pone otro den peliger!. El a splica cu e ora
anochi ey e no por haya bolts. Net e tabata ocupa ta los bolts di e auto y Polis a yega.
El a los tres caba. Segun J.C., su intension tabata los tur 4 pa asina e doño di e auto no

por core cu e auto. El a bisa Hues cu e momento ey, e tabata bou influencia di alcohol.

Polis a mir’e y el a core pero Polis a gar’e. E tabatin tools pa los bolts, cu el a laga benta
abou.

DOÑO TA HAYA LADRON DEN SU CAS

Hues a mustra cu homber G. a bay cas merdia pa come y a topa cu J.C. den cas. El a

puntr’e: “Kico bo ta haci den mi cas”! J.C. a bis’e: “Kico bo ta kere cu mi ta haci den bo
cas”. Hues ta haya esaki hopi fresco di parti di J.C. Hues a bisa cu normal un ladron ta
core bay ora e ripara cu nan a hay’e den un cas. Den e caso aki J.S. a papia fresco cu e
doño y hasta a surgi un pelea caminda cosnan a kibra den e cas y J.C. a corta su man.

Investigacion a mustra cu ta parce cu J.C. ya a prepara algun cos cu el a pone cla pa
bay cune. El a core bay.

Hues a bisa cu e G. a reconoce J.C. ariba potret cu a sali riba website y a bay mustra

Polis esaki.

Ariba e asunto aki J.C. a bisa Hues cu e homber no a duna un descripcion drechi. El a
mustra cu e tin tattoo na su nek y e homber lo mester a mira esey. Tambe el a

menciona otro cosnan cu e ta haya cu no ta cuadra cu e descripcion cu e homber a
duna.

HUES A HALA ATENCION DI FISCAL