Page 12 - MIN JUS

Hues a remarca cosnan den e procesverbaal cu Fiscal. El a puntra Fiscal pakico no a
investiga e sanger. Hues a bisa cu por a laga NFI investiga. Fiscal a bisa cu esey ta
costa placa. Hues a remarca cu esey por ta e prueba mas fuerte cu tin pa e caso. Ta
papia di confrontacion di potret pero esey no ta asina fuerte.

Hues a bisa cu J.C. tin un carchi di castigo di 22 pagina. Esey ta mas bien un buki di
castigo.

Segun J.C. el a cambia su bida y pa dos aña, e no a haci nada. El a bisa Hues cu door
cu el a bebe y tabata bou influencia el a bay horta. Segun J.C., den KIA e ta haya hopi
problema. El a bisa tambe cu mientras e ta sera den KIA, cas di su mama a kima. Hues
a puntr’e ki problema e tin den KIA. Segun J.C., door cu e ta papia di Dios, nan kier

bringa cun’e of hink’e.

EXIGENCIA DI FISCAL

Fiscal a bisa Hues cu J.C. a desmenti di a horta for di e cas. Pero e doño di e cas y otro
hende a reconoce. Tambe Polis a mir’e drenta auto di su ruman. A mira un herida na su
man mescos cu loke e doño di e cas ta describi. Fiscal a sigui bisa cu J.C. a admiti di a
los “bolts” di auto.

Pa cu e castigo, Fiscal a bisa cu e ta tene cuenta cu J.C. tin un carchi di castigo hopi
largo. Su ultimo condena tabata na 2015. Na opinion di Fiscal, ta cuadra cu loke J.C. a
bisa, cu e lo tin 2 aña no activo. Fiscal a bisa cu segun maneho di Ministerio Publico, e

ta exigi 9 luna di prison.

ABOGADO

Mr. Kock ta haya cu no por prueba cu J.C. a horta na e cas. J.C. ta para riba cu e no a
drenta e cas. No a haci investigacion riba sanger cu a haya den cas. Pesey e ta haya cu
mester declara J.C. liber di e acusacion ey.

SENTENCIA