Page 16 - MIN VOS_Neat

representa Aruba ta Ching Ho Chung, Johnathan Paredes, Jean Claude Hoek y Jean Pierre Helmeyer
mientras e coach lo ta Rudy Ragga. Mas cu claro e campeonato aki lo sirbi como un preparacion pa e di
dos edicion di e Weganan Sur Americano Hubenil cu lo tuma lugar den luna di september na Santiago de
Chile. E deporte di tenis di mesa a conoce un bon desaroyo y ta mira un adelanto den tur nan atletanan
hubenil.

Algun luna atras Chingho Chung ta logra un di dos lugar den e Caribbean Table Tennis Championship na
Georgetown, Guyana. Den e categoria U15, Chingho Chung a caba como e number dos den henter
Caribe,cual sin duda ta un prestacion di kita sombre. Asina nos por mira cu e federacion di tenis di mesa
ta trahando duro na e progreso di nan atletanan. Un danki sigur na Lotto, e Loteria di Aruba pa medio di
Comision di Subsidio cu a subsidia e biaha di e delegacion di tenis di mesa pa e 59th Caribbean Senior
Table Tennis Championship na Havana, Cuba. Cumprando weganan di Lotto, e Loteria di Aruba bo ta
contribui na deporte riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di donacionnan na e Comision di
Subsidio.

Atleta elite di BMX, Zaithyel Soekandar lo atende un 4 day
high perfomance clinic di Jason Carnes Berm Academy na
Tampa, Florida

Monday, 17 July 2017 14:38
1

Comparti

Como preparacion pa e 2017 UCI BMX World Championships na Rock Hill, South Carolina, e atleta elite
den e deporte di BMX, Zaithyel Soekandar lo entrena pa un siman largo bou guia profesional na un di e
academianan mas renombra na mundo den BMX, esta Jason Carnes Berm Academy cu tin na base na
Tampa, Florida.

Durante 4 dia e atleta Soekandar lo atende e campo di entrenamento aki pa asina prepara su mes mas
mihor cu ta posibel pa e campeonato mundial di BMX un siman despues na South Carolina. E atleta lo
haya e guia profesional nesecario den e partinan tecnico, tactico y psycologico. E atleta Zaithyel
Soekandar ta un di Aruba su miho atletanan di BMX y apesar di su edad hoben ya caba e la representa
Aruba den varios campeonatonan internacional di taya manera e Campeonato mundial di UCI, e
Weganan Centro Americano y Del Caribe como tambe e Weganan Panamericano sin conta tur e otro
campeonatonan bishita den nos region y continente. Su logronan na nivel nacional y internacional sin
duda ta impresionante, ya cu Aruba ta conoci den e top mundial di BMX. Un danki sigur na Lotto, e
Loteria di Aruba pa medio di Comision di Subsidio a yuda subsidia e biaha di e atleta Zaithyel Soekandar
pa e atende e campo di entrenamento na Tampa, Florida. Cumprando weganan di Lotto, e Loteria di
Aruba bo ta contribui na deporte riba nos isla. Meta di e fundacion ta pa organisa loteria, cambia bida di
su hungadonan y na mes momento inverti den deporte local pa medio di donacionnan na e Comision di
Subsidio.