Page 74 - MIN TTC 12 APRIL 2016

Curacao Airport Partners contento cu un biaha mas cu Tiara
Air ta bulando pa Corsou

Monday, 11 April 2016 21:09
Comparti

Peggy Croes ta Chief Marketing Officer Curacao Airport Partners y tabata tey pa ricibi un vuelo un biaha
mas di Tiara Air. El a conta con a prepara esaki y tambe kico esaki a nifica pa nan como partner den
aviacion.

El a splica cu e ta importante vooral riba e ruta di Aruba pa Corsou, pa tin e competencia pa añadi mas
liña cu mester riba mercado, pasobra ta un mercado hopi importante, loke ta Antias Hulandes, Aruba ta
e mercado mas grandi pa Corsou. Cu a añadi Tiara, cu ta un nomber familiar na e ofrecemento di
servicio, CAP ta hopi contento pa esey. Tin cambionan ta tumando luga cu ta bisto na aeropuerto, segun
Croes. Nan ta hopi orguyoso di por a cuminsa cu un expancion tambe. Tin mas of menos 1.7 miyon
passanger movements anualmente, cu ta rekeri pa amplia e servicionan. E ta bira tiki krap, durante
momentonan piek durante dia pa por acomodo e pasaheronan comodamente y tambe pa e fluho bay mas
facil.Ta expandiendo e producto y aki 3 aña ta sigur cu e producto cu ta pa 2.5 miyon pasahero, lo ta na
agrado di tur hende. E destinacion mas grandi ta Amsterdam pa Corsou. Europa ta e mercado mas
grandi. Merca, ta creciendo pa Corsou awor aki y ta na di tres luga. Despues di Europa ta loke tabata
antes Antias Hulandes pa Corsou. A amplia e espacio pa acomoda pasaheronan cu 70%. E flow ta hopi
mas facil awor aki. Imigracion, no solamente tin e boothnan cu e hendenan ta pasa, pero tambe ta
introduciendo E-gatenan pronto. Esakinan ta instala caba. Nan ta den un fase di testing y pronto CAH,
CAP y tur e otro partnernan riba e isla, imigracion, douane, tur a yuda pa facilita e producto aki, lo ta
lansando e producto di E-gates oficialmente. Croes ta splica cu ta crece door di comparti “best practices”
y ta dos isla cu ta net banda di otro. Nan por complementa otro den hopi aspecto riba nivel di aviacion. E
intencion ta pa bin cu mas slurf. Esey ta den e plan di expansion, cu por acapara e avion di mas grandi cu
tin, dus un otro wide body. Lo bay tin seis jetbridge parkingspots. Turismo ta creciendo na Corsou, Croes
a splica por ultimo.

Tiara Air a bay bek den aire cu prome vuelo dialuna mainta
pa Curacao

Monday, 11 April 2016 20:47
Comparti