Page 75 - MIN TTC 12 APRIL 2016
P. 75
Dialuna mainta trempan tabata momento importante un biaha mas pa Tiara Air. Nan a lanta vuelo
atrobe cu nan avion Short 360 cu destinacion Curacao. Un destinacion cual Tiara Air a traha su nomber
net un decada atras.
Nan a pasa ultimo dos anjanan den un situacion malo y awor ta cla pa cuminsa bek. Caranan cu Tiara no
ta Caranan desconoci. Ta trahadornan cu ya caba tabata cu Tiara Air ta sigui cu e aerolinea local tabata
net diez anja pasa na April 2006 cu Tiara Air a cuminsa su vuelo. Awor nan ta masha contento di por
cuminsa duna servicio atrobe cu e prome vuelo dialuna mainta pa Curacao. Henter siman lo tin vuelonan
mainta y tambe lo tin vuelo atardi riba cierto dia di siman. Tiara Air lo cuminsa tambe cu su vuelo pa Las
Piedras. Poco poco pero sigur Tiara Air ta bin bek y asina cumpli cu su obligacionnan atrasa y na mes
momento pone mas hende na trabou. Pabien na Alejandro Muyale cu a keda kere den loke el a nace aden
for di tempo di su tata cu tambe a traha hopi anja den e aviacion. Nan team completo ta cla pa sigui
brinda e comunidad di Aruba y viahero cu nan servicio comodo, na ora y simpatico. Lo tende hopi mas di
Tiara Air. Nan lo amplia na flota cu diferente avion Fokker 50 cu e union cu nan a sera cu otro grupo
conoci den aviacion cu ta Avior.
