Page 13 - AM180714

Diasabra, 14 Juli 2018 AWEMainta 13

Segun Prome Minister Wever Croes

Aruba ta tuma traficacion di hende hopi na serio

ARUBA recientemente a haya e reconocemento
mas halto pa combatimento di traficacion di
hende. Aruba a sali di Tier 2 pa Tier 1. Pa e
motibo aki, Premier Evelyn Wever-Croes a reuni

cu sra. Jeanette Baars, cu ta encabesa e taskforce
aki. E reconocemento a bin di State Department
Mericano.

KICO TA TRAFICACION DI HENDE?
Traficacion di hende ta ora cu un persona cu ta
emplea pa un otro persona, cu basicamente no ta
liber pa move manera cu e ta desea. Por ehempel
pasobra e no tin tempo liber, of e mester biba un

caminda contra su gusto, of si e doño di trabou
tin su paspoort den su poder, y hasta si ta paga
e empleado un suma demasiado abou cu e no
por haci nada otro cu keda depende di e doño di
trabou. Na Aruba tambe nos tin e casonan aki.
Mucha muhernan hoben den prostitucion cu
ta wordo controla pa un otro hende. “Live in“

cu no tin ningun libertad. Hende hombernan
den construccion bou di condicionnan hopi
miserable. Nos ta papia di traficacion di
hende ora ta trata di sclavitud moderno. Y
lamentablemente na Aruba tambe nos conoce e
casonan aki.

KIKO MESTER A HACI PA RICIBI E
RECONOCEMENTO AKI?

Pa por yega na e rating di Tier 1, e taskforce
mester a cumpli cu varios exigencia cu gobierno
mericano ta pone. Entre otro mester tin casonan
cu a wordo investiga y cu a conduci na condena.
E pais mester tin un shelter pa acapara e
victimanan. Tambe mester tin un entidad separa
encarga cu e tarea aki y awor Gobierno pa prome

biaha ta pone fondo separa disponibel pa e
tareanan. Den corto: e pais mester demostra cu
e ta tuma e crimen aki na serio y cu no tin miedo
di investiga. Aruba ta cumpli cu e exigencianan
aki.

“E vision di nos Gobierno ta pa pone e ser
humano central; pa crea un Aruba cu bienestar y
progreso pa tur ciudadano y den nos pais no tin

luga pa traficacion di hende. Nos lo no descansa
te ora logra esaki. Mi ta felicita e taskforce cu ta
combati traficacion di hende, cuerpo policial y e
Minister di Husticia, cu e logro grandi aki. Nos
compromiso ta pa trece bek orden y respet den
nos pais. Esaki ta e cambio cu nos a priminti
y nos ta cumpli cu n’e” Premier Evelyn Wever-

Croes a duna di conoce.