Page 9 - AM180714

Diasabra, 14 Juli 2018 AWEMainta 9

Chauffeur na stuur a bira malo, esaki a causa cu el a bay dal un pal’i Luz

AYERA diabierna tardi
pa 4:30, Polis y ambulance
a sali pa altura di Wayaca
Falls, pa un accidente cu
hende herida.
Na yegada Polis ta topa
personal di ambulance
tratando cu e chauffeur.
Segun nos a compronde
n’e sitio, e chauffeur na
stuur di un Nissan March
color berde lo a bira malo.
Aparentemente e
chauffeur ta sufri di
Epilepsia y lo a haya un
ataka, mientras e tabata
stuur.
Esaki a pone cu el a kita
bay na su man robes, y
dal contra un pal’i luz
bentando esaki abou.

Polis mester a intermedia den problema
na Piedra Plat entre dos ruman

DIABIERNA mainta algo pasa di 8:30, Polis
a wordo manda un adres cerca di un carwash
na Piedra Plat. Na dicho adres lo tabatin un
problema y tambe cuchiu envolvi.
Na yegada di Polis, nan a papia cu un dama y
el a conta nan kico a pasa. Lo tabata trata di un
pelea entre dos ruman, pero momento cu Polis
tabata n’e adres, ya un di e rumannan a bay di
e sitio.
Berdad un di nan lo tabatin un cuchiu den su poder,
pero danki Dios no a bay asina leu di herida otro.
Agentenan a papia cu e ruman presente y a splike
kico e lo tin pa haci, esta si e ta haci denuncia.