Page 5 - AM180714
P. 5
Diasabra, 14 Juli 2018 AWEMainta 5
15 aña pa asesino di Ponse Thiel
DIABIERNA mainta e homber Igmar “Tilico”
Lares a scucha e sentencia cu Hues y Corte a
yega na dje den su cas, unda el a wordo acusa di
a tira Ponse Thiel mata dia 23 di februari ultimo.
Famia y amigonan di Ponse Thiel tabata den
sala pa scucha kico Corte ta pensa di e caso aki.
Hues a cuminsa pa bisa cu e ta di acuerdo cu
Ministerio Publico y ta declar’e culpabel di a
mata Ponse Thiel y intento di asesinato riba e
ruman di Ponse.
Hues a bisa e acusado cu ta hopi lamentabel
cu un persona ta perde su bida den un forma
sin sentido. Su actuacion a laga un famia den
tristesa y un menor sin su tata. Pa e motibo aki
el a dicidi di bay di acuerdo cu e demanda di
Ministerio Publico cu ta 15 aña incondicional.
Dos di e tres demandanan pa daño y perhuicio
no a wordo acepta pa motibo cu nan no a wordo
bon specifica, y no a presenta cu ningun recibo of
documento pa hustifica e demanda cu ta wordo
haci. E personanan por cuminsa un caso civil Saturday
ainda. Si Corte a bay di acuerdo cu e acusado is your
mester paga e gastonan di entiero di e victima lucky day!
cu ta mas o menos 9800 florin.
E acusado a sinta trankil scucha e sentencia y na
final el a pone su mannan dilanti su curpa pa e
guardianan pone den boei y e sali for di sala sin
mira na banda.
Durante tratamento di e caso mes el a expresa:
“Mi ta lamenta loke cu a pasa. Niun momento FREE
tabata mi intencion pa tir’e.” parking for
E hecho aki a sosode dia 23 di februari na su guests
cas na Rooi Bosal. Despues di un discusion
pa motibo cu e no tabata kier pa e victima ta
eynan cu un bulletproofvest, el a saca un arma,
aparentemente pasobra el a sinti su mes menasa
door di Ponse y a los un tiro den pecho di su
victima. E tiro tabata mortal. Amigonan a hiba
Ponse hospital pero dokternan no por a haci
nada mas p’e.
Mirando cu Corte a impone e mesun castigo cu
a wordo pidi door di Ministerio Publico nan lo
no apela e decision, pero e acusado si tin 14 dia
pa entrega su apelacion. Normalmente cu 15
aña, cu bon comportacion e por sali despues di
sinta 10 aña.
