Page 7 - IMSAN MAY 19,2015

Mervin Wyatt-Ras: Ta den nos man pa controla nos presion y
hiba un bida saludable

Monday, 18 May 2015 18:06
Comparti

Awe ta inicia e siman dedica na presion halto. Un siman di control di nos presion pa medio di chekeo
publico di presion den e bus di salud.

Na e ocasion aki parlamentario Mervin Wyatt-Ras a acudi na Piedra Plat pabou di Bright Bakery pa chek
su presion y pa ser aconseha encuanto su salud.

Segun Wyatt-Ras for di informacion obteni e cantidad di casonan di presion halto ta subiendo y cu mas y
mas e edad di patientnan ta bahando. Pues tin cu considera di haci algo na esaki.

Departamento di Salud Publico (DESPA) a lanza e iniciativa di un Plataforma pa atende cu e malesa aki
di cual ta miembro, entre otro DESPA, IBISA, Witgele Kruis, IMSAN y Hospital. Intencion ta pa bin cu
accionnan preventivo pa asina evita cu ta yega asina leu cu e patientnan cu den hopi di e casonan ta
obeso y tin problemanan cu diabetis y cholesterol a lo largo ta desaroya problemanan cardiovascular cu
chens pa haya un stroke of atake cardiaco.

IBISA ta informa cu ya caba desde su apertura na anja 2012 tin 15.000 patient cu a haci chekeo medico
den e bus y cu e ta un forma efectivo cu drempel mas abou den cada bario pa localisa patientnan cu
normalmente ta tarda pa bishita un dokter.

Wyatt-Ras ta consider’e un reto pa por tene su peso manera cu mester ta y ta reconoce e lucha cu nos
pueblo tin pa por bisa no na cumindanan y bebidanan cu ta atractivo pero halto na caloria. Nos tur ta den
e mesun boto y tin cu sostene otro pa asina por logra tin un bida mas saludable, segun Wyatt-Ras. E
Parlamentario ta desea e Plataforma hopi exito cu e trabounan y pa haya mas instancia pa por uni nan
mes na e meta importante di stimula un bida saludable pa nos comunidad.

Comentarionan (1)

Mustra/Kita comentarionan
ANNA QUANDT
May 18, 2015
201.229.106.60
Votes: +1





...