Page 16 - Flip Min,TTC

2 AWEMainta Diamars, 10 Februari 2015

Ayera WEB Aruba N.V. a constata
UN OIL-SPILL for di un tanki di Heavy Fuel

E no tin consecuencia pa producción di awa potable

Según Oslin Boekhoudt, Director di WEB Aruba N.V.

ALGUN testigo a duna di conoce cu for di diadomingo mainta,

a constata un oil-spill, procedente di nos planta di awa, esta WEB
Aruba N.V. pero no a haci mucho, pasobra tabata diadomingo, y
tabata difícil pa haya tur instancia hunto.
Di biaha e pensamento a bay cu e oil-spill aki ta procedente di
Valero, pero e refinería no ta den operación, y como tal a ser bisa
cu e oil-spill aki no ta for di tankinan di Valero, cu manera ta
conoci ta ser usa como un terminal.

Mientrastanto tabata WEB Aruba N.V. a emiti un comunicado di
prensa, unda WEB Aruba N.V. ta informa cu ayera mainta nan a
haya melding cu tin petroleo riba laman entre WEB y Aeropuerto
parti paden di rif.
Gerencia di WEB Aruba N.V. a pone instancianan concerni na
altura y ta den reunion cu representantenan di Rampenbureau,
Directie Scheepvaart y Directie Natuur en Milieu.

A haci un investigacion interno y a resulta cu e petroleo aki,
ta procedente for di un tanki di Heavy Fuel Oil na WEB Aruba
N.V. y no for di un tanki na Valero, manera a ser bisa den prome
instante.
A tuma accion mesora y a sa di stop e lek n’e tanki. Tambe a pidi
asistencia di Valero cu tin experiencia cu e incidentenan aki pa
minimalisa e daño na medio ambiente.
Te cu ayera tardi, un team di e diferente instancianan ta riba
laman pa investiga e grado di daño, principalmente na rif.
En todo caso WEB Aruba N.V. a haya e asistencia desea di Valero ta
cubri e parti di petroleo cu boom (tipo di boey) p’e no sigui plama
mas leu den lama. Lo trata e petroleo cu kimico responsabel.

Ayera tardi, gerencia di WEB Aruba a convoca un conferencia di
prensa, unda e instancianan envolví tambe tabata presente, pa
anuncia con nan a minimalisa e daño na nos medio ambiente y
cu nan tin e situación bao di control.
Oslin Boekhoudt, Director di WEB Aruba N.V. a habri e
conferencia di prensa, bisando cu a contrata dos contratista pa
haci parti di e rif, y e botonan na Varadero cu a keda susha. WEB
ta core cu e gastonan. Algun para, algún pisca y pannekrak a bira
victima di e situación aki.
Tabata ayera mainta, cu WEB Aruba N.V. pa 8.30 a haya e prome
informe di e oil-spill aki, via di APA cu a denuncia e oil-spill,
según Boekhoudt.
Tabata un heater a faya, cu a haya un buraco, cu t’e causa. Pa
10.50 WEB Aruba, tabatin e situación bao di control.

Birdlife, conhuntamente cu e Park Rangernan, Valero ta haciendo
un evaluación di e daño causa, según Oslin Boekhoudt. E
situación aki no tin consecuencia den producción di awa potable.
Rampenbureau ta considera esaki un incidente, según Donata,
Director di Rampenbureau y como tal a avisa e servicionan
necesario, unda a bin hunto pa coordina loke a tuma lugar riba
laman.
Awe mainta, lo bolbe haci un inspección pa determina si tin mas
daño causa, según Donata.
Si lo tin intención di multa WEB Aruba N.V., Director di
Rampenbureau a duna di conoce cu lo consulta cu Ministerio
Publico, pero no tin daño grandi causa, y ta masha poco e oil-
spill ta.