Page 24 - BNDIA ARUBA

A24 BISTA POLITICO
Diamars 20 maart 2018

Partido MEP a celebra dia di himno y bandera

ORANJESTAD - Durante
fin di siman tras di lomba
e bandera mas grandi di
Aruba a bay halto bou
di e tononan glorioso di
nos Himno Aruba Dushi
Tera canta pa Grupo di
Betico. Un cede di MEP
completamente yen na
unda simpatisantenan a
celebra e momentonan
special aki.
Bou musica di Massive
Brassband, un grupo di sim-
patisante a marcha for di e ro-
tonde na Plaza Status Aparte
na Santa Cruz cu e bandera
di Aruba direccion cede di
MEP. Unabes cu a yega cede
di MEP, Harry Croes kende
ta esun encarga cu e proyecto
aki a haci entrega di e ban-
dera na lider di MEP Evelyn
Wever-Croes.
Siguientemente, a hisa e ban-
dera di mas grandi di Aruba
den presencia di candida-
tonan di MEP y un publico
anima cantando hunto nos
Himno.
Den su discurso e anochi aki,
lider di MEP a gradici tur es-
unnan cu den pasado a lucha
duro pa nos himno y bandera
y a gradici tambe esunnan cu
awe ainda kier mantene esaki
na grandi. A reflexiona riba
con na aña 1976 e prome bi-
aha cu nos bandera a bay hal-
to cu tawata casi bou menasa
y clandestinamente muchan-
an di scol por a participa na
e aubade sinembargo awe cu
orguyo ta mira bek cu ta sin
miedo esaki a tuma luga.
Lider di MEP, riba e anochi
exitoso aki, a felicita henter e
pueblo di Aruba y a reflexio-
na riba e momentonan dificil
cu Aruba ta pasando aden.
Y a enfatisa cu e ta sigur cu
Aruba lo sali afo mirando e
stimacion cu nos tur tin pa
nos dushi Aruba.