Page 1 - AM200928
P. 1
September 28, 2020
www.awemainta.com
www.facebook.com/awemainta
noticia@awemainta.com
583-1400
Di Alto Comisario Andrew Hoo a haya promocion y a bira
“LIAISON OFFICER” DEDICA NA
COOPERACION CU MERCA Y REINO
HULANDES RIBA TERENO DI HUSTICIA
Conseho di Minister a bay di acuerdo cu proposicion di Minister di
Husticia mr. Andin Bikker pa nombra ex-Alto Comisario di Polis,
Andrew Hoo, como representante special di Ministerio di Husticia
den cuadro di acuerdonan di cooperacion cu Merca y e otro paisnan
den Reino, riba tereno di husticia.
Tambe a nombra Andrew Hoo como specialista (“Kwartiermaker”)
pa institui “Team Vitale Sectoren en Infrastructuur”, un proyecto
piloto di cooperacion entre sector publico y priva pa cuido y protec-
cion di infrastructura y sector vital pa nos isla, manera p.e. e area
di refineria y su facilidadnan, cu ta den man di Refineria di Aruba
bek desde februari 2020…
Pero e Gobierno aki ta confirma cu nan no ta transparente y menos
ainda integro.
Pasobra dia cu a suspende Andrew Hoo di su funcion, a ser bisa cu
el a pasa informacion interno na un miembro di prensa. Cu otro
palabra no por confi’e. Pasobra Andrew Hoo a comete Schending
van Geheimen y merece un castigo penal. Nunca el a keda persigui
pa Minsterio Publico, pero awor por mira cu cu e ta ser considera
un experto riba su tereno y a haya un promocion. Ningun dia, ni
un castigo disciplinario Hoo a haya, pasobra el a keda cu su arma,
auto di servicio y menos ainda a mishi cu su salario.
E mesun Minister Andin Bikker no a start niun proceso contra dje,
ni strafrechtelijk y ni disciplinaire. Loke ta hasi imposibel pa cas-
tiga otro Polis den futuro pa lek informacion e.o. na prensa. Nada
contra di persona di Andrew Hoo, pero e hecho nos ta cuestiona, cu
ta laga integridad di e Gobierno akin a werki.
