Page 4 - AM200928

4 AWEMainta Dialuna, 28 September 2020

Polis a frustra intento di asesinato

A kita 2 arma for di caminda

PERSECUCION y detencion den area di EPB San Nicolas ayera
tardi den careda di 2’or. Sospecho fuerte di un caso di intento di
asesinato ta locual cu autoridadnan a frustra cu e accion aki cu a

hiba na varios detencion.

A detene tres homber despues cu a cuminsa un persecucion
cortico den cayanan di Mabon, Brazil cu a bin termina dilanti

EPB San Nicolas na momento cu Polis a logra para e vehiculo y

pone e tres sospechosonan aki na vloer. Hopi t’esnan cu a tuma
nota di helicopter den area como tambe patruyanan moviendo
rapidamente tras di un auto.

Locual cu por a compronde ta cu e hombernan aki lo tabatin arma

riba nan y cu intencion di bay tira (likida) un persona na Mabon.

Mesora a mobilisa patruya cu a persigui e Mitsubishi Lancer color

blanco (A-22556), logra par’e y detene e sospechosonan. Pa locual

ta trata e informacion cu nan lo tabatin arma di candela den nan
poder, no a haya esaki durante listramento n’e sitio di detencion.
Mientrastanto a detene tur tres y a transporta nan pa Ward’i Polis

San Nicolas pendiente e investigacion cu lo tin cu tuma lugar.

Den e proceso listrando den e auto a topa un pistol den baul.
Analizando e arma tabata arma di aire y no bala cayente.

Mas despues a pasa unda e persecusion a tuma lugar y caminda a

mira e sospechoso tira algo afo. Eynan a bin topa otro pistol mas.
E pistol ey tambe tabata uno di aire y no di bala cayente.
Asina mes e ta similar na esun di bala cayente. E ta castigabel

tambe usa armanan asina pa cualkier situacion di menaza of

crimen.
E yamada cu a drenta encuanto menaza y uso di arma di candela
tabata cuadra. Concluyendo por bisa cu Polisnan a reacciona

rapido y asina a gara e trio cu kier a tira hende.