Page 9 - ATA

MINISTER DANGUI ODUBER A

REUNI CU E EHECUTIVONAN

DI APA NV

8 December, 2017, 6:11 pm

Minister encarga cu Turismo, Salubridad Publico y Deporte, sr. Dangui Oduber a tene su
promer reunion oficial cu e ehecutivonan di APA NV. E reunion a bai den un esfera hopi

ameno y positivo.

E mandatario y e ehecutivonan di APA NV a discuti hopi punto di interes pa cu APA y a

hanja un bista amplio for di e ehecutivonan tocante e masterplan pa cu e waf crusero y e
tereno na waf di oranjestad designa pa desaroyo.

E Minister kier traha huntu cu e ehecutivonan di APA den futuro pa asina realisa algun

proyecto nan cu ta premirando y tambe e desaroyo completo pa cu e waf crusero y e area

nan di waf di oranjestad designa pa desaroya. Lo ta spera pa e masterplan di APA keda
cla na maart 2018 pa asina e ora e Minister hanja un presentacion completo di esaki y pa

e di e manera aki por evalua si ta cambia esaki y integra e vision di e gobierno nobo.