Page 15 - BNDIA ARUBA

A15
HENDE Dialuna 16 December 2019

Militarnan bou solo durante aniversario di Korps Mariniers

ORANJESTAD – Adju-
dant di Mariniers, Arthur
van Hofwegen a tuma su
medaya di oro for di man
di comandante di mari-
nierskazerne Savaneta,
luitenant-kolonel Van
Beekhuizen, pa 36 aña di
servicio largo y confiabel.
Esaki a tuma luga dia 10 di
december ultimo durante
e excepcional evento di
aniversario di Korps den
e sala di deporte di e ka-
zerne.

Den cercania di Comandante
di Zeemacht den teritorio
Caribense, general di brigada
di marinier, Peter Jan de Vin,
e coleganan di Marina Real
y Korps Mariniers (activo y
reserva) a para keto riba tres
punto di e carera di adjudant
di Hofwegen: e memorianan
bunita pa 19 aña den infate-
ria, shete luna na Cambodia
den segundo mita di 1992, y
su puesto anterior di 5 aña na
NLMARFOR.

Durante e ceremonia special
aki, ademas di adjudant Van
Hofwegen tambe a honra
varios colega di Korps Mari-
niers, Milicia Arubano, y per-
sonal local pa e bon trabou cu
nan a brinda durante ultimo
periodo. Ademas, liutenant-
kolonel Van Beekhuizen
a ricibi condecoracion cu
‘Jeneverkruis’, oficialmente
e ‘Nederlands Onderschei-
dingsteken voor Langdurige
Dienst als Officier’.

E Jeneverkruis ta un distin-
cion pa militarnan y personal
di reserva cu a cumpli 15 aña
como oficial. Oficialnan cu
ya tin e distincion por cada
cinco aña adapta e cifra. E co-
mandante a ricibi e cifra 25.

Despues di un celebracion
di tambu y gaita di Korps
Mariniers den CZMCARIB,
a termina e celebracion cu
cortamento di e bolo di cum-
pleaños na honor di e di 354
aniversario di Korps Marin-
iers.

Potret di Henny Strijbos.