Page 8 - 03f25

PAGINA 8 DIARIO DIALUNA 3 FEBRUARI 2025
Accident di auto a laga Angochi
y vecindario sin coriente

ORANJESTAD (AAN): Diabierna tabata un dia di dolor di
cabez pa pueblo di Angochi y vecindario, y momento dificil
pa compania NV Elmar.
Debi na un accident di auto den oranan di mainta cu a afecta
un palo di luz, coriente den e sector a cay afo. Personal di
NV Elmar a dicidi cu tin di haci e area limpi, kita tur material
abao, pa asina haci reparacion na e palo di luz aki. Esaki a
bay dura como 4 ora.
Banda di 3:38 pm, tur hende a haya coriente bek den An-
gochi y vecindario. Sinembargo esey no a dura hopi.
Pasobra e mesun anochi, banda di 8:00 pm, personal di NV
Elmar a haya nan atrobe ta haci un trabao urgente pa drecha
wayanan di coriente di voltahe abao na Angochi.
E trabao di reparacion a dura como 45 minuut, y ora cu
esey a keda cla, nan mester a corta coriente den henter e area,
pa asina reconecta e wayanan di coriente abao riba e grid di
voltahe halto.
Esey a keda cla banda di 9:15 pm, y e ora tur hende den
Angochi y vecindario a haya coriente bek pa e anochi. No a
registra ningun storing mas despues.

WEB Aruba ta sigui

coopera cu

Carnaval safe

ORANJESTAD (AAN): Un di e sugerencianan balioso pa Aruba celebra un carnaval
safe pa mucha, ta pa dun’e suficiente awa pa e keda bon hidrata.
Siman pasa, personal di WEB Aruba NV a subi caya pa entrega un total di 10 mil
‘Foldable water bottles’ na Comision Vision Pedagogico, como parti di nan campaña
di concientizacion “Carnaval Safe pa tur Mucha”, y tambe “Carnaval Safe pa tur
Hoben”.
Na su turno, awor e Comision lo parti e boternan aki na diferente scol y instancia
hunto cu un flyer cu mas tips. Palabra di pabien na WEB Aruba NV, y sigur danki pa
coopera pa asina haci bida di mucha- y hobennan mas safe durante Carnaval.