Page 8 - ARUBA BANK SEPT 28 2020

Dialuna, 28 September 2020 AWEMainta 5

Ilegalnan ta sigui drenta Aruba

TABATA diabierna pa mas o menos 10:48 di anochi cu Radar Kamer di
Aruba a tuma nota di un boto procedente Venezuela direccion Aruba.

A notifica Corsou mesora y for di unda a manda Kustwacht di biaha pa cu
esaki.
Mientras cu Central di Polis a mobilisa Kust Surveillance, Polis di San

Nicolas y e helicopter di Polis tambe a lanta direccion Seroe Colorado.
A cuminsa un buskeda y asina bin logra gara 8 ilegal. Tambe a haya 9

jerrycan y bultonan di droga. Nan tur a keda deteni y hiba Warda di Polis
pa mas investigacion

Tabata Wardacosta su punto di sosten na Aruba hunto cu KPA
a tene un accion riba tera cual a resulta den varios detencion y

hayasgo di droga. Den e buskeda riba tera, personal di Wardacosta
a encontra 9 ‘jerry cans’ cu ta sospecha ku tin contenido di droga.
Personal di KPA a logra pone man riba 8 persona indocumenta

durante e buskeda riba tera. E 9 ‘jerry cans’ a ser entrega na KPA
pa por sigui ku e investigacion. E caso aki den su totalidad tabata
un bon colaboracion entre e partnernan di Wardacosta y KPA.
Caso di Covid registra a cuminsa baha

SEGUN resumen di ayera por tuma nota cu 119 persona
mas a recupera, tin 10 caso nobo di Covid-19 di residente
(27% “positive rate”) y 2 di no-residente. Total di
activonan a baha cu 107 persona y ta na 871 awe, total di
testnan haci ta 195, testnan haci bou di residentenan na
laboratorio di hospital ta 37 y total di caso di fayecimento
relata na Covid-19 ta keda mescos, 25.

Hospital ta informa cu tin un total di 43 persona interna
di cual 12 ta den cuido intensivo y 31 ta isola riba piso
general.

DIASABRA
Segun resumen di diasabra por tuma nota cu 76 persona
mas a recupera, tin 33 caso nobo di Covid-19 cu a wordo
registra (24% “positive rate”) di cual tur ta residente. Total
di activonan a baha cu 43 persona y ta na 978 diasabra. Total
di testnan haci ta 263, testnan haci bou di residentenan na
laboratorio di hospital ta 137 y total di caso di fayecimento
relata na Covid-19 ta keda mescos, 25. Hospital ta informa
cu tin un total di 43 persona interna di cual 12 ta den cuido
intensivo y 31 ta isola riba piso general.