Page 64 - MIN TTC 16 NOV 2015

Minister Otmar Oduber a yama Sint y su pietnan bon bini na Aruba
Publication: Monday, 16 November 2015. Categoria: General

ORANJESTAD(AAN)– Diadomingo mainta Minister Otmar Oduber tabatin e placer di duna
Sinterklaas y su Pietnan bon bini na nos isla. Tanto na waf como riba henter e ruta di Linear Park
e muchanan tabata en espera di e homber santo y su pietnan, dunando inicio asina na un
temporada special pa nos muchanan.
Minister Oduber a bay acompaña pa su yiu chikito Declan, kende mescos cu tur otro mucha
presente a disfruta di e momentonan cu Sint y Piet masha hopi.
E mandatario a bisa cu awor e temporada ta cuminsa unda e muchanan lo wak si nan lo haya
regalo of lo haya ruchi, pero tendiendo Sinterklaas, nos muchanan ta regalo so lo haya pasobra
durante henter aña nan tabata bon mucha.
Minister Otmar Oduber a desea tur mucha un feliz temporada di Sint y Piet y a desea nos
bishitantenan special hopi exito y sabiduria durante e dianan aki cu nan lo bishita diferente cas y
scol na Aruba pa saluda y premia e muchanan bon mucha.

http://www.diario.aw/2015/11/minister-otmar-oduber-a-yama-sint-y-su-pietnan-bon-bini-na-aruba/