Page 36 - LOTTO

St. Fundacion Lotto pa Deporte a organisa un evento di reconocemento na e 3 atletanan

cu a logra medaya na e 2 Juegos Suramericanos de la Juventud 2017 na Santiago, Chile.

E anochi aki e atletanan Keeley Maduro, Chiara y Sophia Petrocchi hunto cu nan

mayornan a yega hunto cu FLpD, ASU y representantenan di algun federacion, na The

West Deck pa asina celebra e logronan maximo.

Director di St. Fundacion Lotto pa Deporte, mr. Di-Stefano Wernet RA tabata contento di

a organisa e encuentro na honor di e atletanan. Lotto pa Deporte ta mira e atletanan como

role model pa otro hoben. Presidente di FLpD a indica cu e logro aki ta algo importante

pa Aruba. Tambe FLpD e anochi aki FLpD a regala cada un atleta un “gift certificate” di

un “weekend stay” na Boneiro.

Chiara Petrocchi a representa Aruba den e deporte di taekwondo na Chile y a gana e

medaya di oro contra Brazil. Chiara Petrocchi a indica cu e gesto di FLpD pa elogia nan

tabata algo hopi bon y esaki ta un motivacion pa nan por sigui, di cual nan por mira cu

nan ta ricibi algo bek. Cu e evento aki e atleta ta sinti cu a aprecia nan como deportista,

pero tambe e tabata algo great cu nan tur a bini hunto pa asina conta nan experiencia y

con leuk nan a pasa na Chile. Pa loke cu por spera di Chiara Petrocchi den e proximo

lunanan ta cu December e lo bay un “trainings camp” na Cuba y e lo ta preparando pa
representa Aruba den e US Open na Februari. Tambe e lo ta preparando su mes p’e

clasificacion di Olimpiada Hubenil na Tunez, cual e ta preparando su mes fuerte pa asina

e por participa den e Olimpiada Hubenil 2018 cu lo ta na Argentina den luna di October.

Pa e hobennan Chiara Petrocchi ta un “role model” y pa cu esaki e ta desea pa tur hoben

cuminsa haci un deporte. Tambe pa nan mira cu ta posibel pa combina un deporte, train

profesionalmente y haci nan estudio, pasobra esaki ta posibel. “Mi ta desea pa tur hoben