Page 37 - LOTTO
P. 37
sigui e caminda bon. No haci droga, no haci maldad manera bebe of uza droga”, el a
expresa.
Na Chile den e Juegos Suramericanos de la Juventud Sophia Petrocchi a competi den
judo y el a gana medaya di plata. Pa su persona ta cu na Chile e experiencia tabata uno
super grandi y nunca el a participa den esaki. Sophia Petrocchi ta haya cu FLpD a
reconoce nan pa nan logronan, ta algo increibel. “Mi kier a gradici Lotto masha hopi mes
pa loke nan a haci pa nos”, el a expresa cu contento. E torneo aki tabata un di e logronan
mas grandi di e judoka y esey ta un motivacion p’e sigui haci su best. Cu e logro aki ta
push’e p’e sigui y e sa cu e lo por logra cosnan mas grandi. Loke cu por spera di e judoka
ta cu e lo sigui manera e ta bayendo of mas ainda, asina el a indica. Como un role model
pa otro hoben, su conseho ta pa semper haci nan best y haci loke cu nan gusta. Tambe pa
nan nunca lubida nan educacion y deporte.
Un otro atleta cu FLpD a reconoce tabata Keeley Maduro, kende a logra medaya di brons
den landamento. E tabata contento di e reconocemento aki y a indica cu su experiencia na
Chile tabata un ambiente diferente. Den su categoria tabata un competencia fuerte pero
asina mes el a haci su esfuerso pa asina logra e medaya. “Tabata hopi leuk cu tur deporte
a bin hunto. Tur tabata sostene otro y siña mas di e otro deportenan”, asina el a expresa.
El a gradici FLpD pa reconoce, pasobra ta prome biaha cu nan a haci esaki y cu FLpD ta
mira cu nan ta purbando di hiba Aruba su nomber dilanti.
Pa e por logra competi otro aña den e Olimpiada Hubenil, e ta purbando di haya su A-
tijd, cu ta su duracion total di competencia, pa asina e por tin su luga automaticamente
den e seleccion. E ta purbando di logra su A-tijd den 50m fly, cu ta e miho estilo di
Keeley Maduro. Loke e falta ta 50 honderdste pa asina Keeley Maduro por logra p’e ta
den e seleccion, di cual e falta algun competencia internacional pa competi y local. Como
un role model pa hobennan el a conseha tur hoben pa corda cu estudio ta na prome luga y
