Page 16 - AWEM 020415
P. 16
16 AWEMainta Diahuebs, 2 April 2015
Segun Hutting
Proyecto Parke di Molina
na Urirama ta sigui
‘sooner or later’
SEGUN Henk Hutting, lider di e proyecto di e parke di Molina
cu mester bin na Urirama, “E proyecto ta sigui sigur.” Solamente,
Hutting no sa e fecha ainda cu e proyecto lo wordo realisa, pa
motibo cu tin un caso andando actualmente contra di Gobierno.
Mientrastanto cu e caso aki ta andando, e proyecto no por sigui.
Esta, Hutting ta realisa tambe cu si Gobierno mester gana e caso
actual mes, e chens ta grandi cu e partidonan envolvi lo bay apela.
Pues, e proceso den e sistema Hudicial lo por tuma basta tempo
ainda. Pero esaki aparentemente no ta haci mucho diferencia pa
Hutting, kende a bisa, “E dia pa sigui ta den man di corte.”
Hutting tabata presente den e publico na e caso andando, cu a
tuma luga 23 maart, ultimo. “Nos ta sali di e punto di bista cu lo
por sigui un caso di apelacion, y como tal lo tin cu sinta warda e
veredicto ey tambe,” Hutting a bisa.
“Ki dia nos por cuminsa, ta depende di corte,” Hutting a sigui bisa.
“Nos ta warda trankil. Pero e [proyecto] ta sigui sigur.”
Caso contra Gobierno
Actualmente cuater diferente grupo a hiba Gobierno y otro in-
stancianan corte en contra di e parke di molina na Urirama. Entre
esakinan tin e grupo di Lisette Malmberg y Junior Croes, y tambe
mas habitante di e area, representa pa Abogado Miriam Malmberg.
Un otro grupo den e caso ta esun di Holmo Henriquez cu dos habi-
tante mas, cual grupo a defende su mes. Minister di Husticia Arthur
Dowers, kende a otorga un ‘hindervergunning’ na e compania cu
kier realisa e proyecto, a wordo representa pa Abogado Sjiem Fat.
Tambe Vader Piet Beheer tin un caso contra Minister di Husticia
andando, pa motibo di un condicion den e permiso otorga cu cual
nan no ta di acuerdo. E grupo aki ta wordo representa pa Abogado
Lucy Peterson.
Veredicto
Hues lo duna veredicto den e caso aki dia 5 Mey proximo.
