Page 32 - AWEM 020415

32 AWEMainta Diahuebs, 2 April 2015

E aña aki atrobe YMCA lo ofrece su programa di “Day Camp” Easter Camp
di YMCA lo ta yena
pa mucha y hobennan. E programa di campamento pa mucha lo di actividad pa mucha
ensera diferente actividad manera un “Dance Workshop”, “Arts
& Crafts Workshop”, “Hawaiian Water Games”, “Glow in the
dark Disco” y un bishita na Mariniers Kazerne. E programa p’e
hobennan lo ensera “Graffiti Art”, subi Hooiberg, “Camp fire”,
“Spel zonder grenzen” y landamento. E orario di e “Kids Easter
Camp” ta for di 8:00am pa 4:00pm. Y di e “Teens Easter Camp”
ta for di 2:00pm pa 7:00pm. E Kids Easter Camp ta pa muchanan
di 4 pa 12 aña di edad y e Teens Camp ta pa hobennan di 13 aña
di edad bay ariba.

Pasa inscribi of yama YMCA Dakota na 582-3072 of na San
Nicolas na 584-5303 pa haya mas informacion di e programanan
masha gusta di campamento. E servicionan di YMCA ta ofrece
e famia completo diferente actividad cu ta crea un sosten pa e
famia y e hoben n’e mes momento. Pa enfoca riba e calidad di su
programanan YMCA a percura pa trece profesionalnan hunto
cu su personal capacita pa re-enforsa programanan existente
y sigui construi riba esakinan.

Ta bon pa conta cu 59 aña pasa Bob Steele a funda
YMCA Aruba, kende a mira un necesidad pa bin cu
un lugar pa hobennan
pa evita cu
nan lo ta
riba caya.
Cu e lema
“Without
a cent,
but with
hope and
prayer”, un grupo di
persona a cuminsa cu e
organisacion y na 1958 a
logra inaugura su prome edificio
na Aruba.