Page 9 - AWEM 020415
P. 9
AWEMainta Diahuebs, 2 April 2015 9
Rey y Reina
ta bishitá
Dia di
Rincon
RINCON - Riba invitacion di Gezaghèbber di Bonaire, Edison
Rijna, Su Mahestad Rey Willem-Alexander y Su Mahestad Reina
Máxima lo bishitá e celebracion di Dia di Rincon diahuebs 30 di
april.
Riba promé di mei Rey Willem-Alexander y Reina Máxima, riba
invitacion di Gobernador di Aruba, Fredis Refunjol, lo presensiá
SAIL Aruba 2015. Tambe Minister Roland Plasterk, di Asunto In-
terno y Relacionnan di Reino, lo ta presente na e eventonan aki.
Como pareha patrocinador di Oranje Fonds, Rey y Reina lo haci
uso di e oportunidad cu nan ta na Bonaire y Aruba pa bishitá dos
proyecto cu ta participá n’e Programa di Oranje Fonds Oportuni-
dad pa Hóbennan, como tambe un di e ganadornan di Appeltjes
van Oranje di 2015.
30 APRIL, DIA DI RINCON
Riba Dia di Rincon míles di bishitante di Bonaire y di otro parti-
nan di mundo ta bishitá e bario mas bieu di e isla, esta Rincon, pa
celebrá un fiesta di cultura y tradicion.
Rey Willem-Alexander y Reina Máxima hunto cu Gezaghèbber
Rijna lo ricibí un caluroso bon biní dor di Presidente di e Comision
Organisador, Francisco Janga. Despues di un ceremonia di hisa
bandera, caminda lo canta Wilhelmus y Himno di Bonaire, lo tin
discursonan, canto y baile.
Despues di e parti oficial Rey y Reina lo bishitá algun stand ca-
minda nan lo purba vários cuminda y cos di boca dushi tradicional
di Bonaire. Tambe nan lo bishitá museo ChiChi’ Tan, caminda tin
e.o. un coleccion di instrumènt tradicional.
Den oranan di atardi e Pareha Real lo presenciá un desfile di
tradicionnan y pañanan folklórico y lo sera esaki cu un Simadan,
e fiesta di cosecha den forma di un parada.
ORANJE FONDS
Fundashon Krusada, un organisacion cu for di 1999 ta sostené
hendenan di Bonaire cu tin problema den comunidad, ta ganador
di un di e Appeltjes van Oranje 2015. Despues cu e Pareha Real
bishitá Dia di Rincon, nan lo bay Fundashon Krusada.
Cu e programa di Oportunidad pa Hóbennan den Caribe Oranje
Fonds ta sostené iniciativanan boluntario dirigí riba hóbennan cu
a kita fo’i skol promé cu nan caba esaki.
E Pareha lo papia cu coachnan di Bonaire Youth Outreach Foun-
dation y hóbennan cu ta den un ambiente cu ta brinda nan tiki
oportunidad y cu ta wòrdo guiá dor di e organisacion aki.
