Page 22 - FDLP
P. 22
Aruba Growth Fund su miembronan a
participa den KLM Aruba Marathon
Posted on 06/4/2018 3:39 pm AST | Updated on 06/4/2018 3:39 pm AST
ORANJESTAD – E grupo mas grandi dentro di e prome edicion di KLM Marathon,
diadomingo mainta 3 di juni, cu comienzo y final na Palm Beach, a pertenece na e grupo
di Aruba Growth Fund. E grupo a consisti di 170 colega, cu a participa den tur categoria
y a logra resultado impresionante.
Aruba Growth Fund, estableci na 2012, ta e prome fondo priva di equidad y a ricibi su
financiamento inicial di e fondo di pensioen di Aruba, cual slogan a resalta riba e t
shirtnan, esta ‘On the run, Aruba Growth Fund, owned by more than 20.000 Arubans’ .
Cu e iniciativa aki, AGF kier enfatisa y promove e importancia di un estilo di bida
saludable pa su miembronan di ekipo. AGF ta propietario di Hilton Aruba Caribbean
Resort & Casino, Op=Op Voordeelshop, Botica di Servicio, Laboratorio di Servicio, y
Kosmetikos. Riba e potretnan por mira participantenan di tur e companianan na e final,
gozando di e momento deportivo satisfactorio, cu coredornan di rond mundo.
