Page 26 - FDLP
P. 26
a sa di controla esaki na bon manera pa asina kita tur peliger dilanti nan arco y tambe
proteha nan portero.
Riba un contra atake di e equipo di Brazil jrs ta logra haja un tiro di skina, caminda cu
despues di a cobra e tiro aki e bala ta dal den un defensa su man caminda cu e tabata
net dilanti di e refree y no por a haci nada cu ta pita corectamente un penalty esaki
tabata na minuut 9 di e partido, E Capitan di Brazil jrs cu ta Owen van der Wijne #10 ta
cobra cu exito pa habri e marcador na 1-0.
Despues tabata na di 13 minuut di wega riba un otro tiro di skina pa Brazil jrs Randolph
Werleman #5 riba un cabezaso ta pone e bala den net pa bai ariba 2-0.
Owen van der Wijne #10 ta bolbe deposita e bala den net riba un atake di e equipo di
Brazil jrs na di 23 minuut di wega pa bai ariba comodamente cu e score di 3-0.
Den e prome 45 minuut nan di wega, analisando e wega nos mester bisa cu na
comienzo di wega e equipo di FC Porto a cuminsa crea algun espacio pero no por a
habri e marcador, y di otro banda e equipo di Brazil jrs den un combinacion entre Owen
van der Wijne, Brian Dorothal, Randolph Werleman, Sergio Piard y Clancy
Calixte tabata mortal pa e equipo di FC Porto, nan tabata hunga un Futbol hopi alegre y
tambe toke nan perfecto y rapido cu a crea bon espacio y tambe por a habri e marcador
y tambe di bai ariba comodamente 3-0.
Den e segundo tempo nos mester bisa e wega a baha completamente di velocidad
caminda bo por a mira claramente cu cansancio a hunga un rol, e equipo di FC Porto a
sigui cu su atakenan, na di 59 minuut di wega Dorbeck #11 ta los un tremendo tiro
pero ta e portero ta trece salbacion caminda e ta pomp e bala mande afor.
Riba un contra atake di e equipo di Brazil jrs ta e hoben Brian Dorothal # 17 riba su
camiseta ta logra score un tremendo cabesaso pa bai ariba 4-0 na di 69′ di wega.
Den un pifia di e defensa di FC Porto kier a bai pasa e bala pa su keeper y ta faya
barbaramente caminda cu Samson Occean #19 ta desvia e bala pa bai lora bai den gol
pa haci e wega 5-0 na di 84 minuut di wega.
