Page 61 - MIN VOS MRT 27

Ezzard Cilie su contract como director medico di hospital a worde
extendiEzzard Cilie su contract como director medico di hospital a worde
extendi

Publication: Friday, 27 March 2015. Categoria: General

ORANJESTAD(AAN): Ezzard Cilie ta keda como director medico di hospital. Esaki el a
confirma den un entrevista, unda cu el a splica cu junta di supervision di Dr. Horacio Oduber
Hospitaal a haci e anuncio di e reunion plenario e siman aki.

Cilie a worde bisa cu un combersacion mester tuma luga tocante di e decision aki y e extension
ta pa un periodo di seis luna. “Mi interes t’ey pa keda,” Ezzard Cilie a declara den e entrevista.
El a worde tuma den e funcion aki na prome luga pasobra cu e junta di supervision no tabata
hay’e responsabel mas pa hospital keda asina un tempo largo sin un dirigente pa e ramo di cuido.

Consecuentemente Ezzard Cilie a worde acerca, el a worde pidi pa tuma e tarea aki y pues el a
solicita p’e. Su tarea ta pa percura pa e parti di cuido na hospital haya su atencion, mientras cu e
discusionnan ta andando pa delinea un structura di maneho pa futuro.

Cilie a bisa cu a palabra pa papia e evalua con leu a yega y con satisfecho e junta di supervision
ta cu su trabao. El a conclui cu nan decision pa pidie keda ta indicacion cu nan ta satisfecho, pero
e ta keda pendiente di e combersacion cu mester tuma luga. Pa loke ta trata e proceso di
solicitatie andando na hospital pa yega na yena e posicion di director general, no tin espacio mas
pa solicita; e deadline tabata diadomingo, dia 22 di maart.

Cilie a bisa cu e no a solicita pa e posicion ey y segun e ta compronde di e profiel den e anuncio
pa recluta un director general e intencion ta pa yega na un directiva di tres persona pa hospital y
e ta pensa cu e lo ta un di e tres personanan aki.

“Mi ta desea di asumi cu despues di seis luna cu lo mi haya extension, pero esey mi ta bezig ta
speculando caba,” el a remarca. Ezzard Cilie no tin ningun informacion con e proceso ta andando
pa yega na un director general nobo. Finalmente, pa loke ta trata e renobacion y expansion di
hospital, e director medico a remarca cu ta haciendo tur cos posibel pa mantene e molester di
construccion na un minimo y e trabaonan ta canando bon y “on time”.

http://www.diario.aw/2015/03/ezzard-cilie-su-contract-como-director-medico-di-hospital-a-worde-
extendiezzard-cilie-su-contract-como-director-medico-di-hospital-a-worde-extendi/