Page 62 - MIN VOS MRT 27

Pacient ta duna testimonio di operacion di curazon di un
unidad dirigi door di un Arubiano

Publication: Friday, 27 March 2015. Categoria: General

Na Costa Rica

ORANJESTAD (AAN) – Cu hopi orguyo, dr. Jose Mario Sprok, Ciruhano Cardiovascular y
Hefe di Departamento Cardiovascular na Hospital San Juan de Dios na Costa Rica, a tuma nota
di e siguiente testimonio, publica diaranzon den e corant La Nacion.

Bao titulo: “Ki tremendo ekipo na Hospital San Juan di Dios!” e pacient Roberto Enrique Francis
Solano ta conta di su ciruhia exitoso.

Den su relato e pacient ta comenta cu algun luna pasa el a wordo someti na un operacion
cardiaco di cambio di e valvula aortico.

El a menciona henter e ekipo di ciruhia cu a participa den su exitoso operacion, Cenare y e ekipo
di rehabilitacion. Tambe e CCSS (Caja Costarricense del Seguro Social) pa un personal asina
capacita y responsable cu e atencion di su pacientnan. “Si nos no tabata tin e institucion aki, lo
tabata imposible haya e tipo di tratamentonan aki”, e pacient ta expresa.

E ekipo di ciruhia di Hospital San Juan di Dios ta dirigi pa nos yiu di tera dr. Jose Mario Sprok y
nos ta bisa esaki cu hopi orguyo. Ta bon pa destaca aki tambe cu CCSS ta e ekivalente na Costa
Rica di AZV na Aruba.

Esaki ta un prueba di un trabao di ekipo y no solamente e ekipo medico pero tambe e calidad di
un Seguro Social general, cu tin e salud di su pueblo na pecho.

http://www.diario.aw/2015/03/pacient-ta-duna-testimonio-di-operacion-di-curazon-di-un-unidad-
dirigi-door-di-un-arubiano/