Page 18 - DIGICEL
P. 18
Mester menciona cu, probablemente e Gobierno nobo no a lesa e documento completo
mes, pasobra a bende cu lo instala WiFi na tur scol di Aruba, cu ta mas o menos 83 scol.
Esaki NO ta berdad! Por lo menos no den e proyecto aki. E instalacion ta unicamente pa
scolnan di Gobierno, cu ta resorta bou di DPS (Dienst Publieke Scholen). Bisando esaki,
e mayoria di otro scolnan cu ta resorta bou di fundacionnan manera SKOA, scolnan
protestant, etc. no ta inclui den e proyecto aki.
Tambe mester tene na cuenta, cu hopi scol lo no bini na remarca pa e proyecto pasobra
nan sistema di instalacion di coriente ta hopi anticua y no ta duna pa carga e demanda di
coriente. Pa por instala computer eynan y sistema di WiFi, lo mester cambia henter nan
red di suministro di coriente, cu no ta parti di e fondo aki.
Cu e aclariacion aki, ta evita cu Gobierno por crea un impresion robes bou di studiante of
mayornan. Tambe e ta pa confirma e preguntanan riba red social, cu con Gobierno a keda
cla cu e proyecto aki den menos di un luna. Cu esaki ta cla pa tur hende cu esaki ta un
