Page 28 - merged_Neat

4 Djarason 3 Febrüari 2016
...Amigu di Tera i
Defensa Ambiental
ku karta abogado pa
gobièrnu...

AINDA GOBIERNU
NO A KUMPLI KU
SENTENSIA DI WES

...tin 123 bario ku
mester ayudo...

WILLEMSTAD.- Djaluna
último minister Suzzane
“Suzi” Camelia-Römer
a anunsiá ku pèrmit pa
konstrukshon di kas na
Wechi ta kla. Pero e notisia
aki si no ta unu alentador
pa e organisashonnan
ambiental ku ta Amigu di
Tera i Defensa Ambiental.
Pasombra nan ta di opinion
ku ainda gobièrnu no a
kumpli ku e sentensia
anterior di korte.

Den deklarashon pa
EXTRA, sr. Lloyd Narain
di ámbos organisashon a
indiká ku den pasado nan
a entrega opheshon kontra
konstrukshon di kas na
Wechi, i hasta tabatin un
sentensia di wes. Den e
último veredikto wes a bisa
Amigu di Tera pa warda un
ratu ku pasenshi, pasobra
gobièrnu lo a bai hasi
diferente investigashon
sientífiko, i ora gobièrnu
ta kla lo bisa kiko ta bai
hasi ku Wechi. Nada a
sosodé, esta e investigashon
sientífiko.

Entre tantu djaluna
a firma pèrmit di
konstrukshon nobo.
Un karta di opheshon
di parti abogado di e
organisashonnan ambiental
ta na kaminda pa gobièrnu,
segun Narain a indiká.
Pasombra t’e ainda e área
di Wechi no tin destinashon
manera lei ta preskribí. I
dunamentu di pèrmit pa
konstrukshon no ta un akto
korekto.

Di otro banda Narain ta
haña ku tin tantu bario den
mal estado, i nan ta pèrdè
oportunidat pa keda drecha
dor ku gobièrnu ta kita sèn
i drecha otro bario p’esun di
Wechi bira modelo.

Amigu di Tera i Defensa
Ambiental último 25 aña
a partisipá den diferente
organisashon ku problema
di bario i den tur sekshon
hende ta puntra dikon
gobièrnu no ta yuda nan
bario. Gobièrnu no a ataká
e problema strukturamentu.
A bisa for di 20 aña pasa ku
por haña problema sosial
i por haña kriminalidat.

Sigui lesa pagina 42